هــــه‌واڵ كــوردى
شاند حزبه‌يل سه‌ره‌كى له‌ هه‌رێم كوردستان ره‌سيه‌ به‌غدا

شاند حزبه‌يل سه‌ره‌كى له‌ هه‌رێم كوردستان ره‌سيه‌ به‌غدا


شه‌فه‌ق نيوز/ شاند هاوبه‌ش حزبه‌يل سه‌ره‌كى پارت ديموكرات كوردستان و يه‌كێتى نيشتمانى كوردستان ره‌سيه‌ به‌غداى پايته‌خت.

 

له‌ى باوه‌ته‌و، سه‌رچه‌وه‌يگ ئه‌را شه‌فه‌ق نيوز وت: شاند هاوبه‌ش حزبه‌يل سه‌ره‌كى له‌ سه‌عات په‌نج ئيواره‌ له‌ ته‌ياره‌خانه‌ى ناوده‌وڵه‌تى هه‌ولێره‌و وه‌ڕێ كه‌فتنه‌و ره‌سينه‌سه‌ به‌غداى پايته‌خت.

 

جى باسه‌، سه‌رچه‌وه‌گه‌ يه‌يش ده‌رخست ئه‌و شانده‌ چه‌وێ ئه‌كه‌فێده‌ فوئاد مه‌عسوم سه‌رۆك كۆمار له‌ باره‌گاى خوه‌ێ له‌ به‌غدا له‌وه‌ر ئاماده‌كارێ ئه‌را ده‌سوه‌پيكردن دانيشتنه‌يل وه‌ل باقى فراكسيۆنه‌يل تر سه‌ركه‌فتگ له‌ هه‌ڵوژاردنه‌يل له‌وه‌ر پيكهاوردن كوتله‌ى گه‌ورا وه‌خاتر دامه‌زرانن حكومه‌ت ئاينده‌.