هــــه‌واڵ عــیراق
كه‌ركوك ئاشكراێ گله‌وخواردن كومپانيايگ ئيرانى كرد

كه‌ركوك ئاشكراێ گله‌وخواردن كومپانيايگ ئيرانى كرد


شه‌فه‌ق نيوز/ ئه‌ميره‌ زه‌نگه‌نه‌ ئه‌ندام له‌بان پاريزگاێ كه‌ركوك ئاشكراێ گله‌وخواردن كومپانيايگ ئيرانى كرد ك ته‌كليف ئه‌را دامه‌زرانن ويستگه‌ێ تازه‌يگ كاره‌باێ دبس كرياگه‌.

 

زه‌نگه‌نه‌ له‌ كۆنگره‌يگ رووژنامه‌گه‌رى له‌ نويسينگه‌ێ ئه‌نجومه‌ن نوێنه‌ره‌يل له‌ كه‌ركوك وت: وه‌ل لايه‌ن ئيرانى ريككه‌فتيمنه‌ له‌بان گله‌وخواردن كومپانياگه‌و ئيسه‌يش ئه‌و كومپانيا هاته‌سه‌وه‌و ده‌سكرده‌سه‌ كاره‌يلى و دوياێ ته‌مامكردن ئى پرووژه‌ 320 ميگاوات له‌ وزه‌ ئه‌ياده‌ پاريزگاگه‌و ئاماژه‌ وه‌يه‌يش كرد ك 1200 كه‌س له‌ خريجه‌يليش له‌ رووڵه‌يل پاريزگاگه‌ له‌و پرووژه‌ دامه‌زريه‌ن.

 

جى باسه‌، ساڵ گوزه‌يشت ريكخرياگ ترۆريستى داعش په‌لاماريگ ئه‌نجامدا ئه‌را بان ويسگه‌ێ كاره‌باێ غازێ دبس له‌ كه‌ركوك و نزيكه‌ێ 13 كارمه‌ند له‌تى كوشت و 5 له‌ليان ئيرانى بوين و يه‌يش ناچار كومپانيا ئيرانيه‌گه‌ كرد خوه‌ێ له‌و كاره‌ بكيشيده‌وه‌و واز له‌ كاره‌گه‌ بارێد.