هــــه‌واڵ عــیراق
عه‌بادى ناو وه‌رپرسه‌يل گه‌ناته‌كار ئاشكرا ئه‌كا

عه‌بادى ناو وه‌رپرسه‌يل گه‌ناته‌كار ئاشكرا ئه‌كا


شه‌فه‌ق نيوز/ حه‌يده‌ر عه‌بادى سه‌رۆك ئه‌نجومه‌ن وه‌زيره‌يل عراقى، جه‌خت له‌وه‌ كرد ك حكومه‌ت خواياره‌ ليست ناوه‌يل ئه‌و وه‌رپرسه‌يله‌ ئاشكرا بكا ك وه‌تومه‌ت گه‌ناته‌كارى هه‌واڵه‌ى ده‌سه‌ى ده‌سپاكى كريانه‌.

 

عه‌بادى له‌ كۆنگره‌ى هه‌فتانه‌ى رووژنامه‌گه‌رى خوه‌ى ك شه‌فه‌ق نيوز ئاگادارى بوى، وت: حكومه‌ت ها فكر ئه‌وه‌ ليست ناوه‌يل ئه‌و وه‌رپرسه‌يل ئاشكرا بكا ك هه‌واڵه‌ى ليژنه‌ى ده‌سپاكى كريانه‌ وه‌ تومه‌ت گه‌ناته‌كارى.

 

جى باسه‌، عه‌بادى داوايش له‌ هه‌دوگ ليژنه‌ى ته‌شريعى و دادوه‌رى كرد هاوكارى وه‌ل لايه‌نه‌يل جيوه‌جيكار بكه‌ن وه‌خاتر له‌ناوبردن گه‌ناته‌كارى و هه‌ميش وت: جدييم له‌ جيوه‌جيكردن داواكارى خوه‌ينيشانده‌ره‌يل و هاووڵاتى هووكار سه‌ره‌كيه‌ له‌ ده‌رخستن ئاست خزمه‌تگوزاريه‌يل.