هــــه‌واڵ عــیراق
جه‌عفه‌رى راێ خوه‌ێ له‌ وه‌رده‌م پارت ديموكرات كوردستان له‌باره‌ێ راپرسێ ده‌رخست

جه‌عفه‌رى راێ خوه‌ێ له‌ وه‌رده‌م پارت ديموكرات كوردستان له‌باره‌ێ راپرسێ ده‌رخست


شه‌فه‌ق نيوز/ ئبراهيم جه‌عفه‌رى وه‌زير خارجيه‌ێ عراقى و سه‌رۆك ره‌وت ئه‌لئسڵاح نيشتمانى وه‌ل نوێنه‌ره‌يل پارت ديموكرات كوردستان باس له‌ روێداگه‌يل بار سياسى و ئاسايشى كرد.

 

جه‌عفه‌رى وت/ عراق تويه‌نست خاكه‌يل وه‌ قوربانى رووڵه‌يلى له‌ سوپا و پۆليس و حه‌شد شه‌عبى و جه‌نگاوه‌ر هووزه‌يل و پێشمه‌رگه‌ ئازاد بكا وه‌ل وسيانيان وه‌ يه‌كڕزێ له‌ وه‌رگرى له‌بان سه‌روه‌رى و كرامه‌ت عراق.

 

جه‌عفه‌رى هه‌ميش وت: هيز عراق ها يه‌كێتى پيكهاته‌يلى و شيرازه‌يل هيزه‌يل سياسى و وه‌رده‌وامى گفتگوو ئه‌را گوزه‌ركردن روێداگه‌يل و ئاشكراێ يه‌يش كرد ك راپرسێ سه‌روه‌خوه‌يى له‌ به‌رژه‌وه‌ندێ يه‌كێتى عراق نيه‌ ك تازه‌ له‌ جه‌نگيگ جه‌هانى دژ چه‌ته‌يل ترۆريستى داعش ده‌رچيه‌.

 

جى باسه‌، له‌لايه‌ن خوه‌ييشه‌و ئه‌ندامه‌يل پارت ديموكرات كوردستان جه‌خت له‌بان خواست وه‌رده‌وامى گفتگوو كردن له‌ ناونى لايه‌نه‌يل سياسى.