هــــه‌واڵ جیــهانى
"يه‌سووع شيره‌يل" وه‌ "ئه‌ڵڵاهو ئه‌كبه‌ر" 3 كه‌س له‌ كاليفۆرنيا كوشت

"يه‌سووع شيره‌يل" وه‌ "ئه‌ڵڵاهو ئه‌كبه‌ر" 3 كه‌س له‌ كاليفۆرنيا كوشت


شه‌فه‌ق نيوز/ له‌ شار فريزنو له‌ ناوڕاس كاليفۆرنيا له‌ئاكام ته‌قه‌ى هه‌ڕه‌مه‌كى 3 كه‌س كوشيان و يه‌كيگيش زه‌خمدار بوى وه‌رجه‌ ئه‌وه‌گ بكوشه‌گه‌ ده‌سگير بكريه‌ێد.

 

له‌ى باوه‌ته‌و، فرانس پرێس ئه‌وه‌ ده‌رخست ك گومان له‌ ئه‌مريكى سيه‌پووسيگ كرياگه‌ وه‌ناو "كورى عه‌لى محه‌مه‌د"و هه‌فته‌ى گوزه‌يشت ته‌قه‌ له‌ پاسه‌وانيگ ئاسايشى كردگه‌ له‌ ده‌يشت ميوانخانه‌يگ بويچگ له‌ شاره‌گه‌و كوشته‌سه‌ى.

 

وه‌ل ئه‌وه‌يشا سه‌ركرده‌ى پۆليس فريزنو ئه‌را رووژنامه‌نويسه‌يل وت: محه‌مه‌د ك له‌ هه‌مان وه‌خت ناويگ تر ديرێد وه‌ناو"بلاك جيزيس" يا "يه‌سووع شيره‌يل" له‌وه‌خت ده‌سگيركردنى چڕيه‌ "ئه‌ڵڵاهو ئه‌كبه‌ر".

 

جى باسه‌، سه‌ركرده‌ى پۆليس فريزنو هه‌ميش وت: محه‌مه‌د له‌ بڵاوكرياگه‌يلى له‌ بان ماڵپه‌ڕ كۆمه‌ڵايه‌تى فه‌يسبوك باس له‌وه‌ ئه‌كا ك خوسه‌ى له‌ حكومه‌ت و چه‌مگ پووسه‌يل ئه‌ياد.