هــــه‌واڵ عــیراق
ئوردن وه‌ بوونه‌ى هه‌رێم كوردستانه‌و تويش زه‌ره‌د فريه‌يگ هاتگه‌

ئوردن وه‌ بوونه‌ى هه‌رێم كوردستانه‌و تويش زه‌ره‌د فريه‌يگ هاتگه‌


شه‌فه‌ق نيوز/ راپۆرتيگ ك له‌لايه‌ن رووژنامه‌ى ئه‌لغه‌د ئوردنيه‌و بڵاو كريا، ئاماژه‌ وه‌ قه‌واره‌ى ئه‌و زه‌ره‌ده‌يله‌ كرد ك هاته‌سه‌ تويش عه‌مان له‌ ئاكام ئه‌و رى وشوونه‌يله‌ ك به‌غدا ده‌رهه‌ق هه‌رێم كوردستان گرته‌سه‌ى له‌وه‌ر وه‌ بوونه‌ێ راپرسێ سه‌روه‌خوه‌يى.

 

له‌ى باوه‌ته‌و، چالاكيه‌يل بازرگانى و پيشه‌سازى و وه‌به‌رهاوره‌يليش و له‌ كه‌رت جيوازكردنيش و له‌وانه‌يش له‌ ته‌ياره‌وانييش مه‌ترسى خوه‌يان ده‌رخستن له‌ روێداگه‌يل قه‌يران له‌ كوردستان عراق و هه‌نارده‌كاره‌يل ترس له‌ چاره‌نويس ريككه‌فتنه‌يل ديرن له‌ به‌رهه‌مه‌يل ئوردنى وه‌ره‌و هه‌رێم كوردستان، يه‌يش بيجگه‌ پرووژه‌يل وه‌به‌رهاوردن ئوردنى له‌ هه‌رێم.

 

جى باسه‌، كومپانياى پاشايه‌تى ئوردنى دوياێ وسانن گه‌شته‌يل ئاسمانى ناونى عه‌مان و هه‌ردوگ شار هه‌ولێر و سلێمانى له‌ هه‌رێم كوردستان له‌لايه‌ن حكومه‌ت به‌غداوه‌ 13 گه‌شت هه‌فتانه‌ له‌ ده‌سدا ئه‌را هه‌ر يه‌ك له‌و شاره‌يله‌، يه‌يش وه‌ بوونه‌ى ئه‌و ڕى وشوونه‌يله‌ ك له‌وه‌ر گيرياگه‌ له‌لايه‌ن به‌غداوه‌.