هــــه‌واڵ كــوردى
ئه‌بولغه‌يز نامه‌ێ تايبه‌تيگ ئاراسته‌ بارزانێ كرد له‌باره‌ێ راپرسێ

ئه‌بولغه‌يز نامه‌ێ تايبه‌تيگ ئاراسته‌ بارزانێ كرد له‌باره‌ێ راپرسێ


شه‌فه‌ق نيوز/ سه‌رچه‌وه‌يليگ دبلۆماسى عه‌ره‌بى ئاشكراێ ئه‌وه‌ كردن ك ئه‌حمه‌د ئه‌بولغه‌يز ئه‌ميندار گشتى كۆمكار عه‌ره‌بى، نامه‌يگ تايبه‌ت ئاراسته‌ێ مه‌سعود بارزانى سه‌رۆك هه‌رێم كوردستان كردگه‌و له‌تى داوا له‌لى ئه‌كا مراجعه‌ێ بڕيار ئه‌نجامداين راپرسێ بكا ك بڕياره‌ له‌ 25 ئه‌يلوول ئاينده‌ ئه‌نجام بگرێد.

 

روووژنامه‌ێ شه‌رقولئه‌وسه‌ت سعودێ له‌ى باوه‌ته‌و وت: ئه‌بولغه‌يز له‌و نامه‌ باس له‌وه‌ كردگه‌ ك راپرسێ په‌ياميگ خراوه‌ ئه‌را رووڵه‌يل ملله‌ت عراقى غه‌يره‌ كورد و قاپى له‌وه‌رده‌م ئاژه‌وه‌و چويچيان واز ئه‌كاو بار هه‌رێمى سه‌خته‌و ئه‌كاو گيچه‌ڵ ئه‌خاده‌ روێداگه‌يل كورديش وه‌ شيوه‌يگ ك كه‌س مه‌يل ئه‌ڕاێ نه‌ياشتوود.

 

جى باسه‌، ئه‌و نامه‌ بڕيگ ئاماژه‌يش ئه‌را مه‌ترسى قوناغ ئاينده‌ له‌ عراقيش گرته‌سه‌ خوه‌ێ و باس له‌تى كرياگه‌ ك مافه‌يل كورد بايه‌سه‌ له‌ چوارچيوه‌ێ ده‌وڵه‌ت عراقى فيدراڵى ديموكراسى بدێ.