هــــه‌واڵ عــیراق
بڕياريگ سياسى هه‌نارده‌ێ نه‌فت له‌ كه‌ركوكه‌و سێ سه‌عات وسان

بڕياريگ سياسى هه‌نارده‌ێ نه‌فت له‌ كه‌ركوكه‌و سێ سه‌عات وسان


شه‌فه‌ق نيوز/ هه‌نارده‌ێ نه‌فت له‌ سه‌رچه‌وه‌يل نه‌فتى كه‌ركووك ئه‌را ماوه‌ێ سێ سه‌عات وه‌ بڕياريگ له‌ وزاره‌ت نه‌فت عراقيه‌و وسيا وه‌بى پيشكه‌شكردن هويچ هووكاريگ و وه‌رپرسيگيش ناوچه‌يى له‌ پاريزگاگه‌ باس له‌وه‌ كرد ك هووكاره‌يليگ سياسى له‌ پشت ئى بڕيار وسانن نه‌فته‌ بويه‌.

 

وه‌ گووره‌ێ كتاويگ ئه‌را كومپانياێ نه‌فت باكوور هه‌نارده‌ێ نه‌فت له‌ سه‌رچه‌وه‌يل نه‌فتى كه‌ركووكه‌و ئه‌را به‌نده‌ر جيهان توركى له‌ڕێ لويله‌يل نه‌فتى كوردستانه‌و ئه‌را ماوه‌ێ سێ سه‌عات وسياو دوياخر وه‌ بڕياريگ دوباره‌ ده‌سكريا هه‌نارده‌كردن.

 

فوئاد حسێن ئه‌ندام ليژنه‌ێ نه‌فت و غاز له‌ ئه‌نجومه‌ن پاريزگاێ كه‌ركوك له‌ لێدوانيگ رووژنامه‌گه‌رێ وت: وزاره‌ت نه‌فت عراقى له‌ڕێ كتاويگ فه‌رمى هه‌نارده‌ێ نه‌فت له‌ كه‌ركوكه‌و ئه‌را به‌نده‌ر جيهان توركى وسانگه‌و هووكار وساننى ئاشكرا نه‌كردگه‌و شايه‌ت هووكار سياسى له‌ پشت ئه‌و برياره‌ بويه‌.