هــــه‌واڵ كــوردى
رويداگيگ هاتوچوو ناونى كه‌ركوك – چه‌مچه‌ماڵ 14 كه‌س كوشت و زه‌خمدار كرد

رويداگيگ هاتوچوو ناونى كه‌ركوك – چه‌مچه‌ماڵ 14 كه‌س كوشت و زه‌خمدار كرد


شه‌فه‌ق نيوز/ سه‌رچه‌وه‌يگ ته‌ندروستى له‌ قه‌زاێ چه‌مچه‌ماڵ له‌ پاريزگاى سلێمانى له‌ هه‌رێم كوردستان، ئاشكراێ ئه‌وه‌ كرد ك 3 كه‌س گيان له‌ده‌سدانه‌ و 11 كه‌سيش زه‌خمدار بوينه‌ له‌ ئاكام رويداگيگ هاتوچوو له‌بان رێ سه‌ره‌كێ ناونى كه‌ركوك و چه‌مچه‌ماڵ.

 

ئه‌يوب حه‌مه‌ غه‌ريب قسه‌كه‌ر وه‌ناو سه‌ندروسى چه‌مچه‌ماڵ له‌ لێدوانيگ رووژنامه‌گه‌رێ وت: ئى رويداگه‌ له‌ سه‌عات شه‌ش و نيم دويه‌كه‌ ئيواره‌ ئه‌نجام گرتگه‌ له‌ وه‌ختيگ سه‌ياره‌يگ توێتاێ لاندكرۆزه‌ر قه‌ڵبه‌و بويه‌ و 14 كه‌س له‌تى بويه‌.

 

حه‌مه‌ غه‌ريب وت: 3 كه‌س له‌و نه‌فه‌ره‌يله‌ يه‌كسه‌ر گيان له‌ده‌سدانه‌و 11 كه‌سيش زه‌خمدارن و جيواز كريانه‌ ئه‌را نه‌خوه‌شخانه‌ێ پێشڕه‌و له‌وه‌ر چاره‌سه‌ر و دوياى ئه‌وه‌يش 8 له‌ليان جيواز كريانه‌ ئه‌را سلێمانى.