هــــه‌واڵ عــیراق
عبادى به‌شدارى له‌ حكومه‌ت ئاينده‌ى عراقى ره‌ته‌و كرد

عبادى به‌شدارى له‌ حكومه‌ت ئاينده‌ى عراقى ره‌ته‌و كرد


شه‌فه‌ق نيوز/ حه‌يده‌ر عبادى سه‌رۆك وه‌زيره‌يل عراقى، ئاشكراى ره‌ته‌وكردن به‌شدارى كرد له‌ حكومه‌ت تازه‌ى عراقى له‌بان بنه‌ماى موحاسسه‌.

 

عبادى له‌ ديمانه‌يگ ته‌له‌فزيۆنى عراقى وت: نا1ار بويم به‌شدارى له‌ هه‌ڵوژاردنه‌يل ئيسه‌ى په‌رله‌مانى كردم و شه‌خسى خوه‌ميش مه‌يل ئه‌وه‌ نه‌يرم خوه‌م كانديد بكه‌م ئه‌را پۆست سه‌رۆك وه‌زيره‌يل ئاينده‌، چوينكه‌ من ئه‌خوازم له‌ حكومه‌ت ده‌ربچم و وه‌ ده‌سكه‌فته‌يل و سه‌ركه‌فتنه‌يليگ ئه‌نجامى دامه‌ و بوومه‌ نموونه‌يگ ئه‌را كه‌سه‌يل تر له‌ ده‌سڵات ك ئى پۆسته‌ ناخوازم و هه‌ر وه‌و خاتريشه‌ چگن وه‌ناو هه‌ڵوژاردنه‌يل ئيسه‌ ره‌ته‌و كرديام ئه‌را وه‌خته‌يل تر.

 

عبادى وت: خوه‌م دوياخستم له‌ دويا رووژ له‌ تۆماركردن ئه‌را به‌شدارى له‌ هه‌ڵوژاردنه‌يل و دوياى ئه‌و دوياكه‌فتنيشه‌ تيميگ ره‌سانن دامه‌زرياو كه‌سه‌يل نزيك له‌ليم ئاگادارم كردن وتنه‌پيم تن ئه‌خوازيد سه‌رمان شوور بكه‌ێد، تن بايه‌سه‌ ئه‌ركه‌گه‌د ته‌مام بكه‌ێد و هه‌ر وه‌و خاتريشه‌ ئوميد وه‌پيم دان ئه‌را قوناغ ئاينده‌.

 

جى باسه‌، عبادى هه‌ميش وت: ناخوازم گله‌و بخوه‌م ئه‌را گوزه‌يشته‌ ك هه‌رچه‌نى له‌ پۆسته‌گه‌ميش بمينم يا نه‌مينم و دارايى گشتييش وه‌كار ناوردمه‌ ئه‌را دعايه‌ى ئيسه‌ى هه‌ڵوژاردنم.