هــــه‌واڵ كــوردى
حكومه‌ت كوردستان سيستم پاشه‌كه‌وت لاوه‌ێد

حكومه‌ت كوردستان سيستم پاشه‌كه‌وت لاوه‌ێد


شه‌فه‌ق نيوز/ وه‌زير ئه‌وقاف و كاروبار ئايينى له‌ حكومه‌ت هه‌رێم كوردستان، جه‌خت له‌وه‌ كرد ك حكومه‌ت سيستم پاشه‌كه‌وت له‌ مووچه‌ى كارمه‌نده‌يل هه‌ڵگرێد.

 

وزاره‌ته‌گه‌ له‌ به‌ياننامه‌يگ وت: پشتيوان سادق وه‌زير ئه‌وقاف وه‌ وكاله‌ت دانيشتنيگ وه‌ل شماره‌يگ له‌ پياوه‌يل ئايينى له‌ شار هه‌ولێر ساز كردگه‌و دڵنيايى وه‌پيان داگه‌ ك حكومه‌ت له‌ ئاينده‌ سيستم پاشه‌كه‌وت هه‌ڵگرێد و مووچه‌ وه‌ ته‌مامى دابه‌ش ئه‌كا.

 

جى باسه‌، حكومه‌ت هه‌رێم له‌ شوبات 2016 ده‌سكرده‌ جيوه‌جيكردن سيستم پاشه‌كه‌وت له‌ مووچه‌ى كارمه‌نده‌يل وه‌ ريژه‌ى ناونى 15% تا 75%، ك دوياخريش له‌ ئادار گوزه‌يشت راسه‌وكردن ئه‌راى ئه‌نجامدا.