هــــه‌واڵ عــیراق
ئه‌لحوێت پلانيگ ئه‌را كوشتن ده‌ركردن كورد له‌ كوركوك ئاشكرا كرد

ئه‌لحوێت پلانيگ ئه‌را كوشتن ده‌ركردن كورد له‌ كوركوك ئاشكرا كرد


شه‌فه‌ق نيوز/ مزاحم ئه‌لحوێت قسه‌كه‌ر وه‌ناو عه‌شاير عه‌ره‌بى له‌ ناوچه‌يل كيشه‌له‌سه‌ر، وشدارى دا له‌باره‌ى پلانيگ مه‌ترسيدار ك ئامانج له‌لى كوشتن و ده‌ركردن هاووڵاتيه‌يل كورده‌ له‌ كه‌ركوك.

 

ئه‌لحوێت ئه‌را شه‌فه‌ق نيوز وت: ئى پلان مه‌ترسيداره‌ له‌لايه‌ن ميليشيايه‌يل حه‌شد شه‌عبى سه‌ر وه‌ ئه‌نجومه‌ن عه‌ره‌بى له‌ كه‌ركوك و ميليشيايه‌يل سه‌ر وه‌ به‌ره‌ى توركمانى وه‌ سه‌رۆكايه‌تى ئه‌رشه‌د ساڵحى ئه‌نجام ئه‌گرێد ئه‌را وه‌ئامانجگرتن كورد له‌ كه‌ركوك و ده‌ركردنيان و ئه‌نجامداين تاوان ده‌رهه‌قيان.

 

جى باسه‌، ئه‌لحوێت هه‌ميش وت: ئيمه‌ جوور عه‌شاير عه‌ره‌بى له‌ ناوچه‌يل كيشه‌له‌سه‌ر وشدارى ئه‌يه‌يم له‌ى باوه‌ته‌و، ئاماژه‌ وه‌يه‌يش كرد ك داواكارييگ وه‌ى بوونه‌يشه‌و پيشكه‌ش وه‌ لايه‌ن ئه‌مريكى كرياگه‌ ئه‌را ده‌خاڵه‌ت فه‌ورى و وسانن ئى تاوانه‌يله‌ له‌ كه‌ركوك.