هــــه‌واڵ جیــهانى
نه‌ته‌وه‌يل يه‌كگرتگ باس له‌ مه‌ندن مه‌ترسى داعش كرد

نه‌ته‌وه‌يل يه‌كگرتگ باس له‌ مه‌ندن مه‌ترسى داعش كرد


شه‌فه‌ق نيوز/ نه‌تۆنيۆ غوتيريش ئه‌ميندار گشتى نه‌ته‌وه‌يل يه‌كگرتگ، راپۆرتيگ پيشكه‌ش كرد له‌باره‌ێ ئه‌و مه‌ترسيه‌يله‌ ك ريكخرياگ ترۆريستى داعش و جه‌ماعه‌ته‌يل تر لايه‌نگرێ دروسى ئه‌كه‌ن.

 

غوتيريش وت: ئه‌و جه‌ماعه‌ته‌ هيمان هه‌ڕه‌شه‌ له‌ ئاشتى و ئاسايش ناوده‌وڵه‌تى ئه‌كه‌ن و له‌وانه‌يش باڵ ريكرياگ ده‌وڵه‌ت له‌ مسر ك وه‌ مه‌ترسيدارترين جه‌ماعه‌تيگ تاريفيان كرد.

 

غوتيريش باس له‌وه‌يش كرد و وت: هه‌رچه‌نى ده‌وڵه‌ته‌يل ئه‌ندام پيشكه‌فتن خاسيگ وه‌ده‌س هاوردنه‌ له‌ پلانه‌يل دژ وه‌ تيرۆر و نواگيرى له‌ تونڕه‌وى و هه‌رچه‌نى ده‌سكه‌فته‌يل سه‌ربازى خاسيگيش ئه‌نجام دريا له‌ى دوياخره‌ دژ داعش له‌ سوريا و عراق، وه‌لێ هيمان ئى ريكخرياگه‌و جه‌ماعه‌ته‌يل لايه‌نگرێ هه‌ڕه‌شه‌ێ گه‌ورايگن ئه‌را بان ئاشتى و ئاسايش ناوده‌وڵه‌تى و هيمان كرده‌وه‌يل ترۆريستى وه‌رده‌وامه‌ وه‌تايبه‌ت له‌ مسر له‌ نيمچه‌ دويرگه‌ێ سينا.