هــــه‌واڵ عــیراق
بانك رافده‌ين قه‌رز 50 مليۆنى ئه‌ياده‌ خاوه‌ن ئوتێلخانه‌يل

بانك رافده‌ين قه‌رز 50 مليۆنى ئه‌ياده‌ خاوه‌ن ئوتێلخانه‌يل


شه‌فه‌ق نيوز/ بانك رافده‌ين رينمايى دا لقه‌يلى ئه‌را داين قه‌رز 50 مليۆن دينار وه‌ خاوه‌ن ئوتێلخانه‌يل و ئه‌را داين ئى قه‌رزيشه‌ مه‌رجه‌يليگ دانا.

 

بانكه‌گه‌ له‌ به‌ياننامه‌يگ ك(شه‌فه‌ق نيوز)ئاگادارى ئه‌وه‌ ده‌رخست ك رينمايى داسه‌ لقه‌يلى له‌ به‌غدا و پاريزگايه‌يل ئه‌را داين قه‌رز 50 مليۆن دينار وه‌ خاوه‌ن ئوتئيلخانه‌يل له‌وه‌ر خاتر خاسسازيكردن له‌ ئوتێله‌يليان.

 

جى باسه‌، به‌ياننامه‌گه‌ هه‌ميش وت: بانك رافده‌ين مه‌رج داناگه‌ ئه‌را داين ئى پويله‌و ئه‌ويش ئه‌وه‌سه‌ ك ريژه‌ێ خاسه‌وكردن له‌ ميوانخانه‌گه‌ 100% بدێ و قه‌رزه‌گه‌ ئه‌را ئى مه‌رامه‌ بدێ و ماوه‌ێ داين ئه‌و قه‌رزيشه‌ 3 مانگه‌و له‌شوون ئه‌و سێ مانگه‌ بايه‌سه‌ وه‌ شيوه‌يگ قست و قانجاز بدريه‌ێده‌و.