هــــه‌واڵ كــوردى
بارزانى ئاشكراى په‌يوه‌ندێ ته‌له‌فۆنى وه‌ل عبادى كرد له‌باره‌ى راپرسى

بارزانى ئاشكراى په‌يوه‌ندێ ته‌له‌فۆنى وه‌ل عبادى كرد له‌باره‌ى راپرسى


شه‌فه‌ق نيوز/ مه‌سعود بارزانى سه‌رۆك هه‌رێم كوردستان ئاسكراێ ناوه‌ڕوك په‌يوه‌ندييگ ته‌له‌فۆنى كرد ك وه‌ل حه‌يده‌ر عبادى سه‌رۆك ئه‌نجومه‌ن وه‌زيره‌يل عراقى ئه‌نجامى داگه‌ له‌باره‌ى راپرسى سه‌روه‌خوه‌يى هه‌رێم كوردستان له‌ مانگ ئه‌يلوول ئاينده‌.

 

بارزانى له‌ ديمانه‌يگ رووژنامه‌گه‌رى وه‌ل گووڤار "فورن پۆليسى" ئه‌مريكى وت: په‌يوه‌ندى كردمه‌ عبادى سه‌رۆك وه‌زيره‌يل له‌باره‌ێ راپرسى و ئاشكراى ئه‌راى كردم ك ئى راپرسيه‌ مافيگ سروشتى و ياسايى ملله‌ته‌گه‌مانه‌و ئيمه‌يش ئه‌خوازيم دوياخريش وه‌ گووره‌ێ ئاكامه‌گه‌ێ وه‌ شيوازيگ ئاشتيانه‌ دانيشتن ئه‌نجام بيه‌يم.

 

بارزانى وت: عبادى له‌و مه‌سه‌له‌ فامستگه‌و هه‌ر وه‌و خاتريشه‌ وه‌پى وتيمنه‌ ئيمه‌ ئه‌خوازيم ئى كيشه‌ وه‌ل به‌غدا چاره‌سه‌ر بكه‌يم له‌ڕى ئاشتيانه‌ نه‌ك له‌ڕێ تون وتيژێ و جواو ئه‌ويش ئيجابى بويه‌ له‌ ره‌سينه‌وه‌ێ له‌ مه‌سه‌له‌گه‌.

 

بارزانى باس له‌وه‌يش كرد ك مه‌سه‌له‌ێ راپرسى چاره‌نويس ملله‌تيگه‌ وه‌ ته‌مامى و ئى مه‌سه‌له‌يشه‌ له‌ هه‌ر چوارچيوه‌يگ تر سياسى يا حزبيگ سياسى يا كيشه‌يگ تر سياسى ناوخود سيستميگ حزبى گه‌وراتره‌و منيش باوه‌ڕم ئه‌وه‌سه‌ ك زوورم ملله‌ت له‌ كوردستان هان وه‌ل راپرسى و ئيمه‌يش وه‌رده‌واميم له‌لێ و هه‌ناێ ك ملله‌تيش بڕيار ئى راپرسيه‌ بيه‌ێد پيشبينى ئه‌وه‌ له‌ گشت لايه‌ن تر ئه‌كه‌يم حورمه‌ت له‌ مه‌يل ملله‌ت كوردستان و بڕياره‌يل ديموكراتى ئاشتيانه‌ بگرن.