هــــه‌واڵ عــیراق
وزاره‌ت كووچ ئاشكراى گله‌وخواردن 271 كووچبه‌ر ئه‌را سێ ناوچه‌ كرد

وزاره‌ت كووچ ئاشكراى گله‌وخواردن 271 كووچبه‌ر ئه‌را سێ ناوچه‌ كرد


شه‌فه‌ق نيوز/ وزاره‌ت كووچ و كووچبه‌ره‌يل عراقى، ئاشكراى گله‌وخواردن 271 كووچبه‌ر كرد له‌ه‌ به‌غداى پايته‌خت له‌ديم كه‌رخ ئه‌را شوون وماواى ره‌سه‌ن خوه‌يان له‌ ئه‌لقائم له‌ پاريزگاى ئه‌نبار و ئه‌لبه‌عاج و ته‌لعه‌فه‌ر له‌ پاريزگاى نه‌ينه‌وا.

 

له‌ى باوه‌ته‌و، عه‌لى عه‌باس جه‌هانگير ده‌سميه‌تده‌ر وه‌ڕيه‌وبه‌ر گشتى ده‌زگاى كاروبار لقه‌يل له‌ وزاره‌ته‌گه‌ له‌ به‌ياننامه‌يگ ئه‌را شه‌فه‌ق نيوز وت: نزيكه‌ى 152 كووچبه‌ر له‌ كه‌مپ عوێريج گله‌وخواردنه‌ ئه‌را شوونه‌يليان له‌ قه‌زاى ئه‌لقائم له‌ پاريزگاى ئه‌نبار بيجگه‌ گله‌وخواردن 71 كووچبه‌ر له‌كه‌مپ ئه‌لئه‌هل له‌ ئه‌بوغرێب ئه‌را شوون خوه‌يان له‌ قه‌زاى ئه‌لبه‌عاج و گله‌وخواردن 48 كووچبه‌ر له‌ ناوچه‌ى شورته‌ى په‌نجم ئه‌را ناوچه‌يليان له‌ قه‌زاى ته‌لعه‌فه‌ر له‌ پاريزگاى نه‌ينه‌وا.

 

جى باسه‌، جه‌هانگير هه‌ميش وت: وزاره‌ته‌گه‌ وه‌ ريككه‌فتن راسه‌وخۆ وه‌ل ليژنه‌ى چه‌وديريكردن كووچبه‌ره‌يل له‌ سه‌ركردايه‌تى فه‌رمانده‌يى به‌غدا ده‌سكردنه‌سه‌ ده‌سه‌وه‌ركردن مقه‌يه‌تى ته‌ماميگ ئه‌را ئه‌و خيزانه‌يله‌ ك گله‌و ئه‌خوه‌ن ئه‌را ناوچه‌يليان.