هــــه‌واڵ كــوردى
ئيران و عراق و روسيا بار كوردستان تاوتوێ كردن

ئيران و عراق و روسيا بار كوردستان تاوتوێ كردن


شه‌فه‌ق نيوز/ ئاژانس فه‌رمێ هه‌واڵه‌يل ئيرانى "ئيرنا" ئاشكراێ سازكردن دانيشتنيگ كرد له‌ ناونى عراق و ئيران و روسيا له‌ مۆسكۆ ك باس له‌ روێداگه‌يل هه‌رێمى و ريكخستن هاوبه‌ش كردنه‌ ئه‌را داوه‌زانن راده‌ێ گرژێ له‌ ناوچه‌گه‌و له‌ناونيانيش بارودوخ له‌ هه‌رێم كوردستان.

 

ئاژانسه‌گه‌ وت: حسێن جابرى ئه‌نسارى ده‌سميه‌تده‌ر وه‌زير خارجيه‌ێ ئيرانى و ميخائيل بوغدانۆف هاوپۆست رووسى و نزار خه‌يروڵڵاێ عراقى دانيشتنيگ هاوبه‌ش له‌ موسكۆ ريكخستنه‌ ئه‌را تاوتوێكردن بار ناوچه‌ێ خوه‌رهه‌ڵات ناوين و قه‌يران عراقى و سوورێ و ريه‌يل بته‌وكردن ريكخستن سێلايه‌نه‌ێ ناونيان.

 

جى باسه‌، ئاژانسه‌گه‌ باس له‌وه‌يش كرد ئه‌و دانيشتنه‌ چوار سه‌عات دريژه‌ داشتگه‌و له‌تى باس له‌ روێداگه‌يل هه‌رێمى و كيشه‌يليگ په‌يوه‌س وه‌ خوه‌رئاواێ ئاسياو باكوور ئه‌فريقيا و بار سوورێ و يه‌مه‌ن و ليبيا و عراق و كوردستان عراق و فلستين و قه‌يران په‌يوه‌نديه‌يل ناونى قه‌ته‌ر و سعوديه‌و ده‌وڵه‌ته‌يل كرياگه‌.