هــــه‌واڵ كــوردى
يه‌كێتى نيشتمانى له‌باره‌ى به‌شداريى له‌ حكومه‌ت هه‌رێم سێ مه‌رج پيشكه‌ش وه‌ پارتى ئه‌كا

يه‌كێتى نيشتمانى له‌باره‌ى به‌شداريى له‌ حكومه‌ت هه‌رێم سێ مه‌رج پيشكه‌ش وه‌ پارتى ئه‌كا


شه‌فه‌ق نيوز/ مه‌كته‌ب سياسى يه‌كێتى نيشتمانى كوردستان دانيشتنيگ وه‌ سه‌رپه‌رشى كۆسره‌ت ره‌سول عه‌لى جيگر يه‌كه‌م ئه‌ميندار گشتى يه‌كێتى نيشتمانى و به‌رهه‌م ساڵح جيگگر دويه‌م و ئه‌ندامه‌يل مه‌كته‌به‌گه‌ ساز كرد.

له‌و دانيشتنه‌ باس له‌ بارودوخ سياسى و قوناغ تازه‌ له‌ پرووسه‌ى سياسى له‌ عراق كرياو باس له‌وه‌يش كريا ك يه‌كێتى نيشتمانى په‌يوه‌ندى وه‌ پيكهاته‌يل و هيزه‌يل سياسى عراقى ئه‌كا وه‌ ئامانج چاره‌سه‌ر ناكووكيه‌يل و زه‌مانه‌تكردن مافه‌يل ده‌ستوورى و ديموكراتى ملله‌ت كوردستان.

 

له‌باره‌ى به‌شداريكردن له‌ حكومه‌ت تازه‌ى هه‌رێم كوردستانيش، له‌ به‌ياننامه‌يگ ئه‌و ده‌ركه‌فت ك گرنگى ئه‌دريه‌ێده‌ وه‌رده‌وامى گفتگووه‌يل ناونى يه‌كێتى و پارتى و لايه‌نه‌يل تر ئه‌را دامه‌زرانن حكومه‌ت هه‌رێم.

 

جى باسه‌، به‌ياننامه‌گه‌ هه‌ميش وت: له‌و دانيشتنه‌ جه‌خت له‌وه‌ كرياگه‌ ك يه‌كێتى به‌شدارى له‌ دامه‌زرانن حكومه‌ت تازه‌ى هه‌رێم ئه‌كا له‌بان بنه‌ماى شه‌راكه‌ت راسكانى و به‌شدارى له‌ بڕيار و وه‌رپرسيارێتى هاوبه‌ش.