هــــه‌واڵ كــوردى
وزاره‌ت ئه‌وقاف: 15 هه‌زار كه‌س مووچه‌ى نماز و عيباده‌ت له‌ كوردستان وه‌رئه‌گرن

وزاره‌ت ئه‌وقاف: 15 هه‌زار كه‌س مووچه‌ى نماز و عيباده‌ت له‌ كوردستان وه‌رئه‌گرن


شه‌فه‌ق نيوز/ مه‌ريوان نه‌قشبه‌ندى وه‌ڕيه‌وبه‌ر په‌يوه‌نديه‌يل و وه‌يه‌كه‌وژيان له‌ وزاره‌ت ئه‌وقاف و كاروبار ئايينى له‌ هه‌رێم كوردستان، وت: جيا له‌ گشت ده‌وڵه‌ته‌يل جه‌هان، 15 هه‌زار كه‌س مووچه‌ له‌ هه‌رێم وه‌رئه‌گرن ته‌نيا له‌وه‌ر نماز و عباده‌ت له‌ مزگفته‌يل، ك يه‌يش وه‌ بار سه‌ختيگ له‌بان وزاره‌ته‌گه‌و حكومه‌ت هه‌رێم زانست.

 

نه‌قشبه‌ندى له‌ وته‌يگ له‌ وه‌خت به‌شداريكردنى له‌ سيميناريگ وت: له‌ كاره‌يل ئه‌ڵلاجه‌وێ و ده‌گمه‌ن ئه‌وه‌سه‌ ك وزاره‌ت ئه‌وقاف مووچه‌ێ 15 هه‌زار كه‌س ئه‌ياد له‌ هه‌رێم كوردستان ته‌نيا له‌وه‌ر نمازكردن و عباده‌تكردنيان له‌ مزگفته‌يل و ئه‌پرسێد ك ئايا له‌ سيستم گشت جه‌هان ئيچنه‌ كاريگ هه‌س؟

 

جى باسه‌، نه‌قشبه‌ندى هه‌ميش وت: له‌ گشت جه‌هان عباده‌ت ها ناونى به‌نه‌ و خوداى خوه‌ێ، ك ئايا ماقوڵه‌ له‌ كوردستان عباده‌ت له‌ وه‌رانوه‌ر وه‌رگرتن مووچه‌ ئه‌نجام بدريه‌ێد و بار سه‌خت بكه‌فێده‌ بان حكومه‌ت!.