هونه‌ر
سێوه‌ ناخوازێد هاوشيوه‌ى كه‌سه‌يل تر بدێ

سێوه‌ ناخوازێد هاوشيوه‌ى كه‌سه‌يل تر بدێ


شه‌فه‌ق نيوز/ سێوه‌ كامل دويه‌ته‌ هونه‌رمه‌ند، ئه‌زره‌ت و ئاره‌زووه‌يل فريه‌يگ ديرێد و هه‌وڵ ئه‌ياد ئه‌را ئه‌وه‌گ تواناو به‌هره‌يل خوه‌ى بخاده‌ خزمه‌ت هونه‌ر كوردى.

 

ئى دويه‌ته‌ هونه‌رمه‌نده‌ هه‌رچه‌نى تائيسه‌ به‌رهه‌م تايبه‌ت وه‌ خوه‌ى تۆمار نه‌كردگه‌، وه‌لێ وه‌ بوونه‌ى ده‌نگه‌ وه‌ سووزه‌گه‌يه‌و لايه‌نگره‌يل فريه‌يگ ئه‌را خوه‌ى له‌ تووڕه‌يل كۆمه‌ڵايه‌تى گرده‌و كردگه‌ و ئويشێد من ناخوازم جوور كه‌سه‌يل تر بووم، من ئه‌خوازم ستايل و تايبه‌تمه‌ندى هونه‌رى خوه‌م داشتووم

 

جى باسه‌، سێوه‌ له‌ساڵ 2000 له‌ شار سلێمانى هاته‌سه‌ دونياو ئيسه‌يش خوه‌ندكاره‌ له‌ به‌ش ميوزيك له‌ په‌يمانگاى هونه‌ره‌ جوانه‌گان سلێمانى و هه‌ر له‌ مناڵيه‌و ئاشق ميوزيك و گورانيچڕين بويه‌و له‌چه‌ن بوونه‌و چالاكييگيش گورانى وتگه‌.