هــــه‌واڵ عــیراق
عراق سه‌نه‌د وه‌ ملياره‌ها دۆلار فرووشێد

عراق سه‌نه‌د وه‌ ملياره‌ها دۆلار فرووشێد


شه‌فه‌ق نيوز/ عراق ده‌سكرده‌سه‌ بازاڕفرووشى سه‌نه‌ده‌يل وه‌ ملياره‌ها دۆلار له‌ يه‌كه‌م ده‌ركردن قه‌رز ناوده‌وڵه‌تى ك وه‌ ته‌نيا فرووشيده‌ێ له‌ ساڵ 2006 تائيسه‌، ئه‌ويش له‌ تاقيكردنيگ ئه‌را گوزه‌ركردن ريككه‌فتنه‌يل.

 

له‌ى باوه‌ته‌و، ئه‌وه‌ ده‌ره‌فت ك عراق وه‌ ملياره‌ها دۆلار سه‌ند فرووشى كردگه‌و ئى كاريشه‌ حكومه‌ت ئه‌مريكى وه‌ ته‌مامى گرته‌سه‌ێ خوه‌ێ، وه‌لێ ئيجاره‌ عراق وه‌ ته‌نيا خوه‌ێ ئه‌نجامى داگه‌.

 

جى باسه‌، يه‌كيگ له‌ به‌ڵگه‌يليش ك له‌لايه‌ن يه‌كيگ له‌ بانكه‌يله‌و ده‌رچيه‌ ئه‌وه‌ ده‌رخست ك نرخ ئسترشادى ئه‌و سه‌نه‌ده‌يله‌ ئه‌كه‌فێده‌ سه‌ره‌تاێ هه‌فت له‌ سه‌دو ئى ئاستيه‌ مه‌يلكيشه‌ له‌ ديد بڕيگ له‌ وه‌ڕيه‌وبه‌ره‌يل سه‌ندووقه‌يل ناوده‌وڵه‌تى و ئه‌گه‌ر ئه‌وه‌يش ئه‌كريه‌ێد ئى ريككه‌فتنه‌ له‌ڕێ سه‌نه‌ده‌يله‌و وه‌به‌رهاوه‌ره‌يل ئه‌مريكى و ئۆرپييش بكيشێد ك ئاگادار بازاڕن، ك وه‌ل ئه‌وه‌يشا عراق هه‌وه‌جه‌ وه‌ ته‌مويل خارجى ديرێد ئه‌را پڕه‌وكردن بۆشايى له‌ بودجه‌.