هــــه‌واڵ عــیراق
حه‌داد جه‌خت له‌بان ده‌رسداين وه‌ زووان كوردێ ئه‌كا

حه‌داد جه‌خت له‌بان ده‌رسداين وه‌ زووان كوردێ ئه‌كا


شه‌فه‌ق نيوز/ به‌شير حه‌داد جيگر سه‌رۆك ئه‌نجومه‌ن نوێنه‌ره‌يل عراقى جه‌خت له‌ خواست گرنگيداين وه‌ ده‌رسداين مادده‌ى زووان كوردى كرد وه‌ ئه‌وه‌گ زووانيگه‌ فه‌رمى شان وه‌شان زووان عه‌ره‌بى و وه‌كارهاوردنى له‌ خوه‌ندنگايه‌يل وه‌گووره‌ى په‌يڕه‌وه‌يل وه‌زاره‌ت په‌روه‌رده‌ى عراق.

 

به‌شير حه‌داد له‌ وه‌خت پيشوازيكردنى له‌ سه‌نا گه‌رميانى وه‌ڕيه‌وبه‌ر گشتى خوه‌نين كوردى له‌ وه‌زاره‌ت په‌روه‌رده‌ى حكومه‌ت ناوه‌ندى باس له‌ چه‌نه‌ها باوه‌ت گرنگ و په‌يوه‌س وه‌ خوه‌نين كوردى كرد له‌ خوه‌ندنگايه‌يل و په‌يمانگايه‌يل، وه‌ل باسكردن رێه‌يل چاره‌سه‌ر ئه‌را كيشه‌و گرفته‌يل له‌ى باوه‌ته‌و.

 

به‌شير حه‌داد له‌ بياننامه‌يگ ئه‌را شه‌فه‌ق نيوز وت: ده‌ستوور عراقى له‌ ماده‌ى(4)دقه‌ت له‌بان زووان عه‌ره‌بى و زووان كوردى ئه‌كا ك هه‌ردوگيان دو زووان فه‌رميين له‌ عراق و ماف عراقيه‌يل له‌ په‌روه‌رده‌ى رووڵه‌يليان زه‌مانه‌ت ئه‌كا جوور زووان توركمانى و سريانى و ئه‌رمه‌نى له‌ ده‌زگايه‌يل زانستى حكومى وه‌ گووره‌ى رێ وشوونه‌يل په‌روه‌رده‌يى.