هــــه‌واڵ عــیراق
ئافره‌تيگ ئه‌را سه‌رۆكايه‌تى ئه‌نجومه‌ن پاريزگاى كه‌ركوك كانديد كريا

ئافره‌تيگ ئه‌را سه‌رۆكايه‌تى ئه‌نجومه‌ن پاريزگاى كه‌ركوك كانديد كريا


شه‌فه‌ق نيوز/ حزب يه‌كێتى ئسلامى كوردستان، كانديد تازه‌يگ خسته‌ڕوێ ئه‌را شوونگره‌وه‌ى رێبوار تاڵه‌بانى سه‌رۆك ئه‌نجومه‌ن پاريزگاى كه‌ركوك وه‌ وه‌كاله‌ت ك ناچار بوى ده‌ربچێد له‌ شاره‌گه‌ دوياى هاتن هيزه‌يل عراقى و حه‌شد شه‌عبى ئه‌را ئه‌و شاره‌ له‌ 16ى ته‌شرين يه‌كه‌م گوزه‌يشت.

 

له‌ى باوه‌ته‌و، هادى عه‌لى ئه‌ندام يه‌كێتى ئسلامى كوردستان له‌ به‌ياننامه‌يگ وت: له‌وه‌ر ئه‌وه‌گ تاڵه‌بانى تواناى گله‌وخواردن نه‌يرێد ئه‌را كه‌ركوك، جوان حه‌سه‌ن ئه‌ندام ئه‌نجومه‌نه‌گه‌ كانديد كرياگه‌ ئه‌را پۆست سه‌رۆكايه‌تى ئه‌نجومه‌ن.

 

جى باسه‌، له‌ى حاڵه‌تيشه‌ حه‌سه‌ن هه‌وه‌جه‌ وه‌ 21 ده‌نگ ئه‌كا له‌ ئه‌نجومه‌ن پاريزگاى كه‌ركوك ئه‌را وه‌ده‌سهاوردن ئه‌و پۆسته‌.