هه‌مه‌ڕه‌نگ
له‌وه‌ر ئى هووكاره‌يله‌ قاوه‌ له‌بان زگ به‌تاڵ مه‌خوه‌

له‌وه‌ر ئى هووكاره‌يله‌ قاوه‌ له‌بان زگ به‌تاڵ مه‌خوه‌


شه‌فه‌ق نيوز/ قاوه‌ يه‌كيگه‌ له‌و خواردنه‌وه‌يله‌ ك مه‌ردمان فره‌يگ له‌ جه‌هان ئه‌يه‌رنه‌ى كار، ته‌نانه‌ت كه‌سه‌يليگيش هه‌ن گشت رووژيگ بايه‌سه‌ په‌رداخيگ قاوه‌ بخوه‌ن، وه‌لێ مه‌ردمانيگيش ئه‌وه‌ وه‌ خاستر زانن وه‌ رجه‌ نانخواردن يا قه‌واڵتى شه‌وه‌كان قاوه‌ بخوه‌ن، ك بايه‌سه‌ مقه‌يه‌ت بوێد له‌ى حاڵه‌ته‌يله‌.

 

له‌ى باوه‌ته‌و، پزيشكه‌يل ئاماژه‌ وه‌ ئه‌وه‌ كردنه‌ ك خواردن قاوه‌ له‌بان زگ به‌تاڵ يا دروستر بويشم له‌بان گه‌يه‌ێ به‌تاڵ شايه‌ت كيشه‌و گرفته‌يل فريه‌يگ دروس بكا، وه‌تايبه‌ت شه‌وه‌كيان وه‌رجه‌ قه‌واڵتى ئه‌دێده‌ هووكار ئه‌وه‌گ كيشه‌ ئه‌را ده‌زگاى هه‌زمى دروس بكا.

 

راپۆرتيگيش له‌لايه‌ن ماڵپه‌ڕ"Business Insider"باس له‌وه‌ كرد ك خواردن قاوه‌ وه‌بى خوه‌راك مه‌عيدى شيونێد و تورشى په‌يا ئه‌كاو دوياخريش ئه‌دێده‌ هووكار سزيان و كه‌مهه‌زمى له‌ خوه‌راك و بيجگه‌ ئه‌وه‌يش له‌ كوتان دڵيش زياى ئه‌كا و هه‌يه‌جان وه‌پيد ئه‌كا وه‌ جووريگ ك نه‌تويه‌نێد ته‌ركيز بكه‌ێد.