هــــه‌واڵ عــیراق
گۆڕان ره‌شنويس بودجه‌ وه‌ نائنسافى تاريف كرد

گۆڕان ره‌شنويس بودجه‌ وه‌ نائنسافى تاريف كرد


شه‌فه‌ق نيوز/ ئه‌مين به‌كر جيگر سه‌رۆك فراكسيۆن بزووتنه‌وه‌ى گۆڕان له‌ ئه‌نجومه‌ن نوێنه‌ره‌يل عراقى، ره‌شنويس بودجه‌ى ناوه‌ندى 2018 وه‌ نائنسافى تاريف كرد و وشدارييش دا حه‌يده‌ر عبادى سه‌رۆك وه‌زيره‌يل عراقى له‌ ئاژاوه‌ى گه‌وراو خه‌ته‌رناك ك ئاقه‌به‌تى وه‌ خراو بنيشێد له‌ حاڵه‌ت راسه‌ونه‌كردنى.

 

به‌كر له‌ به‌ياننامه‌يگ ئه‌را(شه‌فه‌ق نيوز)وت: ره‌شنويس بودجه‌ى 2018 ك ئه‌نجومه‌ن وه‌زيره‌يل ده‌نگ له‌بانى دا شۆكيگ بوى ئه‌رامان وه‌ ئه‌وه‌گ نائنسافى بوى.

 

جى باسه‌، به‌كر هه‌ميش وت: ريژه‌ى هه‌رێم له‌و بودجه‌ ك وه‌ 12,67% ديارى كريا له‌ جياى ريژه‌ وه‌رينه‌گه‌ ك 17% بوى مه‌سه‌له‌يگ نادروسه‌و هه‌ر وه‌و خاتريشه‌ وشدارى دا سه‌رۆك حكومه‌ت له‌باره‌ى ئاژاوه‌ى خه‌ته‌رناك.