هــــه‌واڵ عــیراق
شانديگ ئه‌مريكى چه‌وێ كه‌فته‌ سه‌رگه‌ورايه‌يل ئه‌شاير سنى له‌ ئه‌نبار

شانديگ ئه‌مريكى چه‌وێ كه‌فته‌ سه‌رگه‌ورايه‌يل ئه‌شاير سنى له‌ ئه‌نبار


شه‌فه‌ق نيوز/ شانديگ سه‌ربازێ ئه‌مريكى دانيشتنيگ وه‌ل سه‌ركرده‌يليگ له‌ سوپاێ عراقى و سه‌رگه‌ورايه‌يليگ ئه‌شاير سنى له‌ بنگه‌ێ ئاسمانى عه‌ينولئه‌سه‌د له‌ پاريزگاێ ئه‌نبار ساز كرد.

 

شاند ئه‌مريكى وه‌ سه‌رۆكايه‌تى جۆن ئه‌لن ريكخه‌ر هاوپه‌يمان ناوده‌وڵه‌تى دژ وه‌ داعش له‌ بنگه‌ێ ئاسمانى عه‌ينولئه‌سه‌د له‌ ناحيه‌ێ ئه‌لبه‌غدادێ چه‌وێ كه‌فته‌ سه‌رگه‌ورايه‌يل ئه‌شاير و سه‌ركرده‌يليگ له‌ هيزه‌يل عراقى له‌وه‌ر ئازادكردن شاره‌يل عانه‌ و ڕاوه‌ و قائم له‌ پاريزگاێ ئه‌نبار.

 

جى باسه‌، شاند ئه‌مريكى ئاماده‌گێ وڵاته‌گه‌ێ ئه‌را پشتگيرى عراق ده‌رخست له‌وه‌ر ئازادكردن گشت خاكه‌يلى له‌ژير ده‌سڵات ريكخرياگ ترۆريستى داعش له‌ڕێ پشتگيرى ئاسمانى ته‌ياره‌يل سه‌ر وه‌ هاوپه‌يمان ناوده‌وڵه‌تى و مه‌شقداين و پڕچه‌ككردن جه‌نگاوه‌ره‌يل ئه‌شاير.