هــــه‌واڵ جیــهانى
ئه‌ردوغان هه‌ڕه‌شه‌ له‌ هۆڵه‌ندا ئه‌كا

ئه‌ردوغان هه‌ڕه‌شه‌ له‌ هۆڵه‌ندا ئه‌كا


شه‌فه‌ق نيوز/ ره‌جه‌ب ته‌يب ئه‌ردوغان سه‌رۆك توركى، باس له‌وه‌ كرد و وت: هۆڵه‌ندا بايه‌سه‌ باج ئه‌و ره‌فتاريه‌ بيه‌ێد دوياى قاوداين وه‌زيريگ توركى و ره‌ته‌وكردن پيشواى له‌ وه‌زيريگ تر و وه‌رداين سه‌گه‌يل وه‌ گيان هاووڵاتيه‌يل تورك له‌و وڵاته‌.

 

ئه‌ردوغان وت: توركه‌يل له‌ هۆڵه‌ندا ده‌رناچن، به‌ڵكوو جاليه‌ى توركى بايه‌سه‌ فيشتره‌و بوون له‌وراو قه‌وڵ يه‌يش دا ك نيشان ده‌سڵاته‌يل هۆڵه‌ندييش بيه‌ێد ماناى دبلۆماسيه‌ت چه‌س و له‌ وتاريگيش ئاماژه‌ وه‌ ئه‌وه‌ كرد ك پۆليس هۆڵه‌ندى سه‌گ وه‌رداسه‌ گيان خوه‌ينيشانده‌ره‌يل تورك و هه‌ر وه‌و خاتريشه‌ هه‌ڕه‌شه‌ى جواودانه‌وه‌ى ئه‌و ره‌فتاره‌يله‌ له‌ هۆڵه‌ندا كرد.

 

جى باسه‌، ناكووكييگ دبلۆماسى له‌ناونى توركيا و هۆڵه‌ندا په‌يا بوى وه‌ بوونه‌ى ئه‌وه‌گ حكومه‌ت هۆڵه‌ندى نواگيرى له‌ داوه‌زين تشاووش ئۆغلۆ كرد و نواگيرييش له‌ خانمه‌ وه‌زيريگ تر توركى كرد ك ديدار وه‌ل توركه‌يل ئه‌نجام بيه‌ێد له‌ ده‌يشت باڵوێزخانه‌ى وڵاته‌گه‌ى له‌ رۆتردام و هه‌ر وه‌و خاتريشه‌ سه‌دان كه‌س ده‌سكردنه‌ خوه‌ينيشانداين وداواى ديدار وه‌ل ئه‌و خانمه‌ وه‌زير توركيه‌ كردن و پۆليس ئه‌و وڵاتيشه‌ نواگيرى له‌ليان كرد.