هــــه‌واڵ عــیراق
سنيه‌يل هه‌وڵ وه‌ده‌سهاوردن پۆست وه‌زير وه‌رگرى ئه‌يه‌ن

سنيه‌يل هه‌وڵ وه‌ده‌سهاوردن پۆست وه‌زير وه‌رگرى ئه‌يه‌ن


شه‌فه‌ق نيوز/ عه‌لى سه‌جرى سه‌ركرده‌ له‌ "محوه‌ر نيشتمانى" باس له‌ وجوود گفتوگوو ئه‌كا له‌ناونى هيزه‌يل سياسى سنى وه‌ ئامانج ريككه‌فتن له‌بان يه‌ك كانديد ئه‌را وه‌زاره‌ت وه‌رگرى.

 

سه‌جرى ئه‌را شه‌فه‌ق نيوز وت: تا ئى سه‌عاته‌ هيزه‌يل سنى ريك نه‌كه‌فتنه‌ له‌بان يه‌ك كانديد ئه‌را وه‌زاره‌ت وه‌رگرى و ئيسه‌يش له‌ى باوه‌ته‌و دانيشتن و گفتوگوو ئه‌كه‌ن وه‌ ئامانح يه‌كده‌نى له‌بان ئى مه‌سه‌له‌ تا بدێده‌ نوينه‌ر سنى نه‌ك نوێنه‌ر لايه‌نيگ دياريكرياگ سياسى.

 

سه‌جرى وتيش: له‌ناونى ئه‌و كانديده‌يله‌ ئه‌را ئى پۆست وه‌زاره‌ت وه‌رگرى(هوشام ده‌ڕاجى، كامل دلێمى، نه‌جم جبورى، فه‌يسه‌ڵ جه‌ربا)، وه‌لێ ريككه‌فتن له‌بان كانديديگ دياريكرياگ نيه‌و گفتوگووه‌يل وه‌رده‌وامه‌و نه‌وسياگه‌.