عه‌بادى ره‌وانه‌كردن شماره‌يگ له وه‌رپرسه‌يل ئه‌را ده‌سپاكى يه‌كلاوه كرد
هــــه‌واڵ عــیراق
عه‌بادى ره‌وانه‌كردن شماره‌يگ له وه‌رپرسه‌يل ئه‌را ده‌سپاكى يه‌كلاوه كرد
شه‌فه‌ق نيوز/ حه‌يده‌ر عه‌بادى سه‌رۆك ئه‌نجومه‌ن وه‌زيره‌يل، ئاشكراى هه‌واڵه‌كردن چوار وه‌رپرس حكومه‌ت كرد ئه‌را ده‌سه‌ى ده‌سپاكى له مه‌سه‌له‌ى گه‌ناته‌كارى دارايى ك دووان له‌ليان وه‌زير وه‌رينن و ئه‌و دوانه‌گه‌يش وه‌ڕيه‌وبه‌ر گشتيين.
عه‌بادى له كۆنگره‌ى هه‌فتانه‌ى خوه‌ى ك شه‌فه‌ق نيوز ئاگادارى بوى، وت: داوا له فراكسيۆنه‌يل سياسى ئه‌كه‌يم بڕه‌سنه ريككه‌فتن له‌بان به‌رنامه‌يگ حكومى ك ئاره‌زوو ملله‌ت عراقى جيوه‌جى بكا.
جى باسه، عه‌بادى وت: فه‌رمان دايمنه دو وه‌زير وه‌رين له پيشه‌سازى و په‌روه‌رده و دو وه‌ڕيه‌وبه‌ر گشتى هه‌واڵه‌ى ده‌سه‌ى ده‌سپاكى بكريه‌ن، يه‌يش له‌وه‌ختيگ نويسينگه‌ى سه‌رۆك ئه‌نجومه‌ن وه‌زيره‌يل له به‌ياننامه‌يگ باس له په‌سه‌نكردن بڕيار هه‌واڵه‌كردن شماره‌يگ له وه‌زيره‌يل وه‌رين و شماره‌يگيش له وه‌رپرسه‌يل گه‌ورا كرد ئه‌را ده‌سه‌ى ده‌سپاكى له‌ئاكام گه‌ناته‌كارى له ريككه‌فتن پرووژه‌يل دوياخرياگ خوه‌ندنگايه‌يل له چه‌ن پاريزگايگ.
