هــــه‌واڵ كــوردى
دارايى كوردستانى له‌باره‌ى كه‌مه‌وكردن به‌شه‌ بودجه‌ى هه‌رێم باس له‌ دو هه‌ڵبژارده‌ كرد

دارايى كوردستانى له‌باره‌ى كه‌مه‌وكردن به‌شه‌ بودجه‌ى هه‌رێم باس له‌ دو هه‌ڵبژارده‌ كرد


شه‌فه‌ق نيوز/ عزه‌ت سابير ئه‌ندام ليژنه‌ى دارايى له‌ په‌رله‌مان هه‌رێم كوردستان، باس له‌وه‌ كرد ك دو هه‌ڵبژارده‌ ها نواى هه‌رێم نه‌ك سێيم، ئه‌ويش له‌باره‌ى كه‌مه‌وكردن به‌ش كورد له‌ بودجه‌ى ناوه‌ندى ئمساڵ 2018 له‌لايه‌ن حكومه‌ت و ئه‌نجومه‌ن نوێنه‌ره‌يله‌و ئه‌را 12.6.

 

سابير ئه‌را شه‌فه‌ق نيوز وت: سوو ئه‌نجومه‌ن وه‌زيره‌يل له‌ هه‌رێم دانيشتنيگ ئه‌را تاوتويكردن ئه‌و هه‌ردوگ هه‌ڵبژارده‌ ساز ئه‌كا، يه‌كه‌ميان ئه‌وه‌سه‌ قه‌بول بكا وه‌و ريژه‌ ك به‌غدا ده‌سنيشانى كردگه‌ وه‌ل داين 250 هه‌زار به‌رميل نه‌فت رووژانه‌ وه‌ حكومه‌ت ناوه‌ندى، يا ئه‌وه‌سه‌ قه‌بول نه‌كاو و پشت وه‌ داهاته‌يل خوه‌ى بووه‌سێد له‌ فرووشتن نه‌فت وه‌شيوه‌يگ سه‌روه‌خوه‌ێ ئه‌را بازاڕه‌يل جه‌هانى تا بتويه‌نێد هه‌وه‌جه‌يلێ وه‌پى پڕه‌و بكاو باوه‌ڕميش ئه‌وه‌سه‌ هه‌ڵبژارده‌ێ دويه‌م نزيكتره‌.

 

جى باسه‌، سابير هه‌ميشوت: ئه‌و ريژه‌ى ك به‌غدا بڕيارى دا ئه‌دێده‌ هووكار كه‌مى بودجه‌ له‌ناو هه‌رێم كوردستان و زه‌ره‌د گه‌ورايگيش ئه‌ڕه‌سنێده‌ هاووڵاتيه‌يل و پرووژه‌يل وه‌به‌رهاوردن و نه‌فه‌قه‌يل وه‌كارخستن و له‌وانه‌يش ريژه‌ى نه‌فه‌قه‌ێ سيادى ك ريژه‌ى گه‌ورايگ له‌ جه‌م بودجه‌ پيك ئه‌يه‌رێد ك دوياى بڕيان نه‌ هه‌رێم و نه‌يش هاووڵاتيه‌يلێ نه‌ف له‌ به‌شه‌ باقيه‌گه‌ێ وه‌رناگرن ك ئه‌ويش 7% يا كه‌متره‌.