هونه‌ر
هه‌واڵ هاوسه‌رگيريه‌گه‌ێ تويڕه‌ێ كرد!

هه‌واڵ هاوسه‌رگيريه‌گه‌ێ تويڕه‌ێ كرد!


شه‌فه‌ق نيوز/ دوياى ئه‌وه‌گ له‌لايه‌ن خانمه‌ هونه‌رمه‌نديگه‌و هه‌واڵ هاوسه‌رگيرى ناونى هونه‌رمه‌ند ئه‌حمه‌د سعه‌د و خانمه‌ هونه‌رمه‌ند سومه‌يه‌ ئه‌لخه‌شاب بڵاو كريا، ئى هه‌واڵه‌ بويه‌ جى باسكردن له‌لاى لايه‌نگره‌يل هه‌ردوگيان له‌ ماوه‌ى كه‌ميگ.

 

بڵاوكردنه‌وه‌ى ئى هه‌واڵه‌ له‌لايه‌ن خانمه‌ هونه‌رمه‌ند ريم ئه‌لبارودى ده‌زويرانه‌‌ كويه‌نه‌گه‌ێ ئه‌حمه‌د سعه‌د شۆكيگ بوى ئه‌را سومه‌يه‌ ئه‌لخه‌شاب و بويه‌ مايه‌ێ تويڕه‌بوينى.

 

جى باسه‌، ريم ئه‌لبارودى زويتر ده‌زويران ئه‌حمه‌د سعه‌د بوى و په‌يوه‌ندى خوه‌شه‌ويسى بته‌ويگ داشتن، وه‌لێ چه‌ن جاريگ له‌ يه‌كترى جياوه‌ بوين تا ره‌سيه‌ ئه‌وه‌گ وه‌ يه‌كجارى له‌ يه‌كترى جياوه‌ بوون.