هــــه‌واڵ عــیراق
"جه‌نگ موسڵ" به‌رزترين خه‌ڵات ئه‌را وێنه‌ێ رووژنامه‌نويسێ به‌خشيه‌ فان در ستوك

"جه‌نگ موسڵ" به‌رزترين خه‌ڵات ئه‌را وێنه‌ێ رووژنامه‌نويسێ به‌خشيه‌ فان در ستوك


شه‌فه‌ق نيوز/ لۆران فان در ستوك وێنه‌گر رووژنامه‌نويسى به‌لجيكى له‌ بيربينيان له‌ باشوور فره‌نسا خه‌ڵات "فيزا دور نيوز" وه‌پى به‌خشريا ك به‌رزترين خه‌ڵاتيگ بوى له‌ فيستيڤاڵ "فيزا"ى ناوده‌وڵه‌تى ئه‌را وێنه‌ێ رووژنامه‌نويسى، ئه‌ويش له‌وه‌ر رويماڵكردن جه‌نگ موسڵ له‌ عراق ئه‌را رووژنامه‌ێ لۆمۆند.

 

زويتريش ئى وێنه‌گر 53 ساڵانه‌ له‌ ساڵ 2013 وه‌رگرت له‌وه‌ر رويماڵكردن جه‌نگ له‌ سوريا له‌ ناوچه‌يل ئۆپۆزسيۆن و شايه‌تيش بوێ له‌بان په‌لاماره‌يل كيمياوى ئه‌و وه‌خته‌و ده‌سڵات سوورێ ئه‌و په‌لاماره‌يله‌ وه‌ دروو خست.

 

جى باسه‌، له‌بان ئى خه‌ڵاتيشه‌ چوار كه‌س ركابه‌ر يه‌كترى بوين و كانديد كرياوێن ئه‌را يه‌كه‌مجار ئه‌را وه‌رگرتنى له‌وه‌ر ئه‌نجامداين كاره‌يليان له‌ موسڵ.