هــــه‌واڵ عــیراق
بريتانيا داواى لاوردن گه‌مارۆ له‌بان ته‌ياره‌خانه‌يل كوردستان له‌ عبادى ئه‌كا

بريتانيا داواى لاوردن گه‌مارۆ له‌بان ته‌ياره‌خانه‌يل كوردستان له‌ عبادى ئه‌كا


شه‌فه‌ق نيوز/ بوريس جونسون وه‌زير خارجيه‌ى بريتانى، وشيارى دا حكومه‌ت عراقى ئه‌را وه‌رده‌وامبوين له‌ گفتگووه‌يل ناونى به‌غداو هه‌رێم كوردستان.

 

خارجيه‌ى بريتانى له‌ به‌ياننامه‌يگ وت: بوريس جونسون وه‌زير له‌ ديدارى وه‌ل حه‌يده‌ر عبادى سه‌رۆك وه‌زيره‌يل عراقى له‌ڕى په‌يوه‌ندێ ته‌له‌فۆنيه‌وه‌ باس له‌ هه‌ڵوژاردنه‌يل ئاينده‌و دانيشتنه‌يل ناونى حكومه‌ت عراق و حكومه‌ت كوردستان و كۆنگره‌ێ كوه‌يت كردگه‌.

 

جى باسه‌، به‌ياننامه‌گه‌ هه‌ميش وت: وه‌زير خارجيه‌ى بريتانى له‌باره‌ێ گفتگوو ناونى به‌غداو هه‌ولێر وشيارێ داگه‌و داوايش له‌ ده‌سڵاته‌يل عراقى كردگه‌ گه‌مارۆ له‌بان گه‌شته‌يل ئاسمانى ئه‌را هه‌رێم كوردستان هه‌ڵگرن و ته‌ياره‌خانه‌يل هه‌ولێر و سلێمانى بخريه‌نه‌ كار.