هــــه‌واڵ عــیراق
نه‌ته‌وه‌يل يه‌كگرتگ شه‌نگاڵ وه‌ شاريگ نه‌شياگ ئه‌را ژيان تاريف كرد

نه‌ته‌وه‌يل يه‌كگرتگ شه‌نگاڵ وه‌ شاريگ نه‌شياگ ئه‌را ژيان تاريف كرد


شه‌فه‌ق نيوز/ كۆمسيۆن باڵاى كاروبار په‌نابه‌ره‌يل سه‌ر وه‌ نه‌ته‌وه‌يل يه‌كگرتگ، شار شه‌نگاڵ و ناوچه‌يليگ تر له‌ هامارى نه‌ينه‌وا وه‌ نه‌شياگ ئه‌را گله‌وخواردن په‌نابه‌ره‌يل ئه‌ڕاێ تاريف كرد.

 

كۆمسيۆنه‌گه‌، له‌ به‌ياننامه‌يگ ئه‌را شه‌فه‌ق نيوز ئه‌وه‌ ده‌رخست ك خوه‌شاڵه‌ وه‌ ده‌سميه‌ته‌يل ساڵ 2018 ك له‌لايه‌ن حكومه‌ت وڵاته‌يل يه‌كگرتگ ئه‌مريكيه‌و پيشكه‌ش كرياگه‌ ك ره‌سيه‌سه‌ بڕ 8،128 مليۆن دۆلار ئه‌مريكى ئه‌را پشتگيرى په‌نابه‌ره‌يل سوورى و ئاواره‌يل له‌ عراقيه‌يل و وت: ئى پشتگيريه‌ ئه‌تويه‌نێد وه‌رده‌وامى بياده‌ پيشكه‌شكردن ده‌سميه‌ت ئه‌را مليۆنه‌ها كه‌س ك هيمان تائيسه‌ هه‌وه‌جه‌ ديرن له‌ناو عراق.

 

به‌ياننامه‌گه‌ وت: گله‌وخواردن ئازادانه‌و ئه‌مان و وه‌رده‌وام يه‌كيگه‌ له‌ كاره‌يل بنه‌ڕه‌تى ئه‌را مقه‌يه‌تى ئاواره‌يل ك له‌لاى خوه‌يه‌وه‌ ته‌وه‌ريگ په‌ره‌سه‌ندن و سه‌ه‌قامگيرى له‌ عراق پيك ئه‌يه‌رێد و گاميگ گرنگ له‌ ڕێ ئاشتى و سه‌قامگيرى.

 

به‌ياننامه‌گه‌ باس له‌وه‌يش كرد ك له‌بشه‌يليگ له‌ خوه‌رئاواى موسڵ و شه‌نگاڵ و ئامارى نه‌ينه‌وا و ئه‌نبار هيمان پاشمه‌نده‌ى ويرانه‌و ته‌قه‌مه‌نيه‌يل مه‌ندگه‌و خزمه‌تگوزاريه‌يل جوور ئاو و كاره‌با وه‌ ته‌مامى پيشكه‌ش نه‌كرياگه‌.