هــــه‌واڵ عــیراق
ئه‌مريكا شوون ئه‌لبه‌غدادى به‌ڵه‌ێ نيه‌

ئه‌مريكا شوون ئه‌لبه‌غدادى به‌ڵه‌ێ نيه‌


شه‌فه‌ق نيوز/ وزاره‌ت خارجيه‌ى ئه‌مريكى باس له‌وه‌ كرد ك هويچ زانيارييگ له‌بان شوون وجوود ئه‌بو به‌كر ئه‌لبه‌دادى سه‌ركرده‌ى ريكخرياگ ترۆريستى داعش نازانێد.

 

له‌ى باوه‌ته‌و، قسه‌كه‌ر وه‌ناو وزاره‌ته‌گه‌ ئه‌را ئاژانس"نوفوستى"له‌ واشنتۆن وت: هويچ به‌ڵگه‌يگ نيه‌ له‌بان وجوود سه‌ركرده‌ى ريكخرياگ داعش له‌ سوريا له‌ نزيك مه‌رزه‌يل وه‌ل عراق جوور ئه‌وه‌گ له‌ هه‌واڵ ئاژانسه‌يل باسكريا.

 

جى باسه‌، زويتر نويسينگه‌ى ره‌سانن ئه‌ميندار گشتى ده‌زگاى ئاسايش و زانياريه‌يل ئۆرپى له‌بان ماڵپه‌ڕه‌ ئه‌لكترۆنيه‌گه‌ى باس له‌وه‌ كرد ك زانيارى پڕ دقه‌تيگ ديرێد له‌بان ده‌سگيركردن ئه‌لبه‌غدادى و له‌ به‌ياننامه‌يگ وت: ئه‌و ده‌سگيركردنه‌ له‌ئاكام كرده‌وه‌يگ چه‌وديرى بويه‌ له‌لايه‌ن هه‌واڵگريه‌يل سوورى  -  رووسى.