هــــه‌واڵ عــیراق
ده‌سپاكى ئاشكراى وه‌تاڵان بردن 18 مليار دينار له‌ بان ره‌شيد كرد

ده‌سپاكى ئاشكراى وه‌تاڵان بردن 18 مليار دينار له‌ بان ره‌شيد كرد


شه‌فه‌ق نيوز/ ده‌زگاى په‌يجوريه‌يل له‌ ده‌سه‌ى ده‌سپاكى، ئاشكراى ئه‌وه‌ كرد ك تويه‌نستگه‌ حاڵه‌ته‌يليگ وازيكردن و وه‌تاڵان بردن له‌ هساوه‌يل لق بازرگانى بانك ره‌شيد كۆنترۆڵ بكا ك هووكار وه‌تاڵان بردن دارايى گشتى بويه‌ وه‌ بڕ 18 مليار دينار.

 

ده‌زگاگه‌ له‌ به‌ياننامه‌يگ ئه‌را شه‌فه‌ق نيوز وت: جه‌خت له‌ جيوه‌جيكردن كرده‌وه‌يگ كرد له‌بان ياداشت دادوه‌رى له‌ لق بازرگانى بانك ره‌شيد دوياى ده‌سكه‌فتن زانيارى وه‌ وجوود حاڵه‌ته‌يل وازيكردن و وه‌تاڵان بردن له‌ هساوه‌يل لقه‌گه‌ وه‌ بڕ 18 مليار دينار و يه‌يش ده‌رخست ك تويه‌نستگه‌ ئه‌و حاڵه‌ته‌يله‌ كۆنترۆڵ بكا وه‌ل گرتن دووان له‌ كارمه‌نده‌يل ك هه‌واڵه‌يل په‌يجورى كريانه له‌وه‌ر هه‌واڵه‌كردنيان ئه‌را دادگاى تايبه‌ت.

 

جى باسه‌، به‌ياننامه‌گه‌ يه‌يش ده‌رخست ك كۆنترۆڵكردن ئه‌و حاڵه‌ته‌ وه‌ هاوكارى وه‌ل نويسينگه‌ى وشكاننكار گشتى له‌ وزاره‌ت دارايى ئه‌نجتم گرتگه‌.