هــــه‌واڵ كــوردى
بارزانى مه‌رجه‌يل كورد و كيشه‌ى ده‌نگداين تايبه‌ت ده‌سنيشان كرد

بارزانى مه‌رجه‌يل كورد و كيشه‌ى ده‌نگداين تايبه‌ت ده‌سنيشان كرد


شه‌فه‌ق نيوز/ مه‌سرور بارزانى راوێژكارى ئه‌نجومه‌ن ئاسايش هه‌رێم كوردستان، له‌ ديدارى وه‌ل ئه‌ياكوب برادا باڵوێز رۆمانى له‌ به‌غدا باس له‌وه‌ كرد ك هه‌رێم كوردستان هويچ كيشه‌يگ نه‌يرێد له‌باره‌ى شماردن و جياكردنه‌وه‌ى ده‌نگه‌يل وه‌ده‌س.

 

بارزانى له‌و ديداره‌ ك شه‌فه‌ق نيوز ئاگادارى بوێ وت: هه‌رێم كوردستان هه‌ر له‌ سه‌ره‌تاوه‌ ئى هه‌ڵويسته‌ داشتگه‌، وه‌لێ ئيمه‌ كيشه‌ وه‌ل هه‌ڵوه‌شاننه‌وه‌ى ده‌نگه‌يل تايبه‌ت له‌ هه‌رێم كوردستان ديريم ك سه‌رپيچى ئاشكرايگه‌ وه‌رانوه‌ر ماف ده‌نگداين.

 

بارزانى وت: وه‌ ئه‌قڵيه‌ت خوه‌ي چه‌سپانن و هه‌ڵوه‌شاننه‌وه‌ى لايه‌ن تر و دگان نه‌ناين وه‌ ماف پيكهاته‌يل جياجيا هويچ وه‌ختيگ عراق سه‌ركه‌فتن و سه‌قامگيرى له‌تى جيگير نادێ.

 

جى باسه‌، بارزانى له‌باره‌ى رۆڵ و مه‌رجه‌يل هه‌رێم كوردستانيش وت: هه‌رێم كوردستان ڤيتۆ له‌باره‌ى هه‌ر هاوپه‌يمانى يا كه‌سايه‌تييگ نه‌يرێد و هه‌رێميش پشتگيرى له‌و هه‌ركه‌سيگ ئه‌كا ئاماده‌ بدێ داواكاريه‌يل ره‌واى كورد جيوه‌جێ بكاو كار له‌بان جيوه‌جيكردن ده‌ستوور بكا.