هــــه‌واڵ عــیراق
1000 ژنه‌ هاوسه‌ر داعشى داواى ده‌سميه‌ت له‌ عراق و سوريا ئه‌كه‌ن

1000 ژنه‌ هاوسه‌ر داعشى داواى ده‌سميه‌ت له‌ عراق و سوريا ئه‌كه‌ن


شه‌فه‌ق نيوز/ تتيانا موسكالكوفا كومسيار مافه‌يل ئاده‌ميزاد له‌ سه‌رۆكايه‌تى روسيا، وت: زياتر له‌ 1000 ژنه‌ هاووڵاتى روسى وه‌ل هاوسه‌ره‌يليان له‌ وڵاته‌گه‌ ده‌رچينه‌و په‌يوه‌ندى وه‌ ريكخرياگ تيرۆريستى داعشه‌و كردنه‌ له‌ سوريا و عراق و ئيسه‌يش داواى ده‌سميه‌ت ئه‌كه‌ن ئه‌را گله‌وخواردن ئه‌را وڵاته‌گه‌يان.

 

موسكالكوفا له‌ باسيگ له‌باره‌ى مافه‌يل ئاده‌ميزاد وت: ئمڕوو زياتر له‌ هه‌زار ژنه‌ هاووڵاتى رووسى ديريم ك باوه‌ڕ وه‌ ئه‌وه‌ كرديان داعش ده‌وڵه‌تيگ راسكانيه‌و وه‌ل هاوسه‌ره‌يليان گه‌شت كردن وه‌ره‌و سوريا و عراق و ئيسه‌يش تويش تون وتيژى و ناڕه‌حه‌تى ئه‌يه‌ن و زوورميان حوكم زيندانى هه‌تاهه‌تايى ده‌رهه‌قيان ده‌رچيه‌ له‌لايه‌ن ده‌سڵاته‌يل عراقى يا سوورى.

 

جى باسه‌، ناوبرياگ هه‌ميش وت: ئيسه‌ ئه‌و ژنه‌يل داعشيه‌ داواى ده‌سميه‌ت ئه‌كه‌ن ئه‌را گله‌وخواردنيان، وه‌لێ گله‌وخواردنيان ئاسان نيه‌و چاره‌سه‌رى فريه‌ زه‌حمه‌ته‌.