هــــه‌واڵ كــوردى
گۆڕان داواى كووتاييهاوردن شماردنه‌وه‌ى ده‌سى ده‌نگه‌يل ئه‌كا

گۆڕان داواى كووتاييهاوردن شماردنه‌وه‌ى ده‌سى ده‌نگه‌يل ئه‌كا


شه‌فه‌ق نيوز/ هۆشيار عه‌بدوڵڵا سه‌ركرده‌ له‌ بزووتنه‌وه‌ى گۆڕان، داوا له‌ ئه‌نجومه‌ن تازه‌ى كۆمسياره‌يل كرد كووتايى وه‌ پرووسه‌ى دوباره‌ جياكردن و شماردنه‌وه‌يل ده‌سى ده‌نگه‌يل بارێد ك له‌تى وتياد شه‌رعيه‌ت وه‌ ئه‌ياده‌ هه‌ڵوژاردنه‌يل ساخته‌.

 

عه‌بدوڵڵا له‌ به‌ياننامه‌يگ ك شه‌فه‌ق نيوز ئاگادارێ بوێ وت: شماردنه‌وه‌ى ده‌نگه‌يل وه‌و شيوه‌ى ئيسه‌يه‌ رێ شوونيگه‌ سه‌خت و دوياخريش له‌ كووتايى شه‌رعيه‌ت ئه‌ياده‌ هه‌ڵوژاردنه‌يل ساخته‌و نموونه‌يش ئه‌را ئه‌وه‌ ئاكامه‌يل پاريزگاى سلێمانى بوێ ك ئاكامه‌يل وه‌گووره‌ى ده‌نگ بنگه‌يل هاوشويوه‌ وه‌رگيريه‌ێد، وه‌لێ سه‌ندووقه‌يل ناهاوشيوه‌ كليله‌يليان شكنريه‌ێد يا سزنريه‌ێد.

 

عه‌بدوڵڵا هه‌ميش وت: له‌ سلێمانى نزيكه‌ى 100 بنگه‌ى هه‌ڵوژاردن شماردنه‌وه‌و جياكردنه‌وه‌ى ده‌نگه‌يل ئه‌لكترۆنى ناهاوشيوه‌ بوينه‌، وه‌لێ كليله‌يليان شكاننه‌ ئه‌را ئه‌وه‌گ ئاكامه‌يلى هساو نه‌كريه‌ێد.