هــــه‌واڵ جیــهانى
مزگانێ ئه‌را ئه‌وانه‌گ ئه‌خوازن بچن وه‌ره‌و ئۆرپا

مزگانێ ئه‌را ئه‌وانه‌گ ئه‌خوازن بچن وه‌ره‌و ئۆرپا


شه‌فه‌ق نيوز/ رووژنامه‌ێ فايننشال تايمز وێنه‌يگ ئه‌نغيلا ميركڵ راويژكار ئه‌ڵمانى له‌ سه‌ره‌تاێ لاپه‌ڕه‌ێ يه‌كه‌مى بڵاو كرد وه‌ل راپۆرته‌ هه‌واڵيگ له‌ژير ناونيشان"ميركڵ ئويشيد ئه‌ڵمانيا ئاماده‌س ئه‌را وه‌رگرتن فيشتر له‌ په‌نابه‌ره‌يل سوورێ".

 

ئه‌و راپۆرته‌ باس له‌وه‌ كرد ك ميركڵ له‌ وه‌خت سه‌ردانى ئه‌را زيندانيگ سه‌ر وه‌ هه‌واڵگرێ ئه‌ڵمانياێ خوه‌رهه‌ڵات وه‌رين له‌ به‌رلين خوه‌شاڵ بويه‌ وه‌ پلان نه‌ته‌وه‌يل يه‌كگرتگ ئه‌را وه‌رگرتن شماره‌ێ فيشتر له‌ په‌نابه‌ره‌يل سوورێ له‌ ده‌وڵه‌ته‌يل يه‌كێتى ئۆرپا.

 

جى باسه‌، راپۆرته‌گه‌ هه‌ميش وت: نه‌ته‌وه‌يل يه‌كگرتگ مه‌يل فراوانكردن به‌رنامه‌ێ دوباره‌ نيشته‌جيكردن په‌نابه‌ره‌يل ديرێد له‌ يه‌كێتى ئۆرپاو يه‌يش ده‌رخست ك خوه‌شاڵى ميركڵ باسه‌يل فريه‌يگ گرته‌سه‌ خوه‌ێ له‌لاى ده‌وڵه‌ته‌يل هاوساێ ئه‌ڵمانيا ك دژ په‌نابه‌ره‌يلن و وتگه‌: ئه‌ڵمانيا ئاماده‌س به‌ش خوه‌ێ وه‌ربگرێد و 40 هه‌زار كه‌س قورسايى ناخاده‌ بان كشوه‌ريگ ك فيشتر له‌ 500 مليۆن كه‌س له‌تى وجوود ديرێد.