هــــه‌واڵ كــوردى
بارزانى و شاند "فه‌تح" و"ياسا" ريككه‌فتن له‌بان بنه‌ماى خاڵه‌يل دامه‌زرانن فراكسيۆن گه‌ورا

بارزانى و شاند "فه‌تح" و"ياسا" ريككه‌فتن له‌بان بنه‌ماى خاڵه‌يل دامه‌زرانن فراكسيۆن گه‌ورا


شه‌فه‌ق نيوز/ نويسينگه‌ى ره‌سانن مه‌سعود بارزانى سه‌رۆك پارت ديموكرات كوردستان، جه‌خت له‌وه‌ كرد ك بارزانى له‌ هه‌وارگه‌ى سه‌ڵاحه‌دين له‌ هه‌ولێر چه‌وێ كه‌فته‌سه‌ شاند دانيشتنكار هاوبه‌ش هاوپه‌يمانى فه‌تح وه‌ سه‌رۆكايه‌تى هادى عامرى ئه‌ميندار گشتى ريكخرياگ به‌در و ئئتلاف ده‌وڵه‌ت ياسا وه‌ سه‌رۆكايه‌تى نورى مالكى جيگر سه‌رۆك كۆمار.

 

نويسينگه‌ى ره‌سانن له‌ به‌ياننامه‌يگ ك شه‌فه‌ق نيوز ئاگادارێ بوێ وت: شانده‌ هاوبه‌شه‌گه‌ له‌و ديداره‌ بيجگه‌ ئاماژه‌كردن وه‌ رۆڵ و پايه‌ى بارزانى له‌ بنياتنانه‌وه‌ى عراق و ناڕه‌حه‌تيه‌يل و قوربانيداين ده‌يان ساڵه‌ى ملله‌ت كورد، جه‌ختيش له‌ په‌يوه‌نديه‌يل مێژوويى ناونى هه‌ردوگ ملله‌ت كوردستان و هيزه‌يل عراقى و قوربانيداين هاوبه‌ش كردن له‌دژ ديكتاتۆريه‌ت.

 

به‌ياننامه‌گه‌ باس له‌وه‌يش كرد ك له‌و ديداره‌ هوير وڕا له‌باره‌ى سه‌ختيه‌يل و جيوه‌جيكردن ده‌ستوور كرياگه‌و هه‌ردولا ريككه‌فتنه‌ له‌بان ئه‌وه‌گ بايه‌سه‌ په‌يوه‌نديه‌يل مێژوويى و جيوه‌جيكردن ده‌ستوور و لۆژيك و ئه‌قڵانيه‌ت بكريه‌ێده‌ نيشانه‌ى پرووسه‌ى سياسى و بنه‌مايه‌يل شه‌راكه‌ت و ته‌وافق و هاوسه‌نگى له‌ پرووسه‌ى سياسى په‌يڕه‌و بكريه‌ێد و له‌ژير رووشنايى ئه‌و خاڵه‌يله‌ فراكسيۆن گه‌وراى په‌رله‌مانى دامه‌زريه‌ێد و حكومه‌ت تازه‌ دروس بكريه‌ێد و بايه‌سه‌ گشتلايگ ئه‌را ئه‌و مه‌نهه‌ج و بنه‌مايه‌يله‌ بچنه‌و ك له‌دوياى 2003 عراق تازه‌ له‌بانى بنيات نريا.