هــــه‌واڵ عــیراق
هه‌ڕه‌شه‌ى كوشتن له‌ فه‌تلاوى كريا

هه‌ڕه‌شه‌ى كوشتن له‌ فه‌تلاوى كريا


شه‌فه‌ق نيوز/ ناوه‌ند عراقى ئه‌را پشتگيرى ئازادى راده‌رخستن، ئاشكراى شه‌رمه‌زاركردن ئه‌و هه‌وڵه‌يل رخه‌وبردن رووژنامه‌نويسه‌يله‌ كرد له‌لايه‌ن كه‌سه‌يليگ نه‌ناسرياێ و له‌ هه‌مان  وه‌خت ئاشكراى هاوكارى خوه‌يشى كرد وه‌ل زه‌مه‌ن فه‌تلاوى رووژنامه‌نويس له‌ كه‌ناڵ ئاسمانى ئه‌لفورات ئه‌را روى وه‌ڕوى بونه‌وه‌ى ئه‌و فشاره‌يله‌ ك هاته‌سه‌ تويشێ.

 

له‌ى باوه‌ته‌و، ناوه‌ند عراقى ئه‌را پشتگيرى ئازادى راده‌رخستن وشدارى دا له‌باره‌ى شيوازه‌يل ناياسايى و ئه‌و رخه‌وبردنه‌ ك ئه‌ياده‌ تويش رووژنامه‌نويسه‌يل وه‌ل نزيكه‌وبوين واده‌ى هه‌ڵوژاردنه‌يل نوێنه‌رايه‌تى و داوايش له‌ لايه‌نه‌يل تايبه‌تمه‌ند كرد زه‌مانات مقه‌يه‌تيكردن ئه‌رايان دابين بكه‌ن.

 

جى باسه‌، فه‌تلاوى ئاگادار ناوه‌ند ناوبرياێ كرد وه‌ ئه‌وه‌گ هه‌ڕه‌شه‌ێ كوشتن له‌لى كرياگه‌ له‌لايه‌ن كه‌سه‌يليگ نه‌ناسرياێ له‌ڕى نامه‌يگ ده‌سنويس ك روينويسێگى كه‌فته‌ ده‌س ناوه‌نده‌گه‌.