هــــه‌واڵ عــیراق
داعش له‌ موسڵ كه‌فته‌سه‌ واين ديوار وه‌ ديوار

داعش له‌ موسڵ كه‌فته‌سه‌ واين ديوار وه‌ ديوار


شه‌فه‌ق نيوز/ سه‌ركردايه‌تى فه‌رمانده‌يى نه‌ينه‌وا ئاشكراى پيشڕه‌وێ هيزه‌يل عراقى كرد دژ ريكخرياگ ترۆريستى داعش له‌ به‌شه‌يل ناوڕاس و باشوور شار كويه‌ن و ده‌سميه‌تداين مه‌ده‌نيه‌يل ئه‌را قورتاربوينيان له‌ڕى شوونه‌يل ئه‌مان.

 

له‌ى باوه‌ته‌و، هيزه‌يل دژه‌ ترۆر تويه‌نستن زاڵ بوون له‌بان گرينگترين كويچه‌يليگ له‌و چوار كويچه‌يله‌ ك هيمان تائيسه‌ سيان له‌ليان ها ژير ده‌سڵات داعش له‌ موسڵ كويه‌ن، وه‌لێ وه‌ل ئه‌وه‌يشا هيزه‌يل عراقى به‌ش فريه‌يگ له‌ حه‌يولفاروق ئازاد كردن ك خته‌رترين بنگه‌يل داعش بوێ.

 

جى باسه‌، له‌ هه‌مان وه‌خت دو سه‌ركرده‌ێ گه‌ورا له‌ دژه‌ ترۆر باس له‌وه‌ كردن ك چه‌كداره‌يل ريكخرياگ داعش له‌ شار كويه‌ن كه‌فتنه‌سه‌ واين ديوار وه‌ ديوار له‌وه‌ر ئه‌وه‌گ چه‌ودێرى ئاسمانى له‌ خوه‌يان دويره‌و بخه‌ن.