هــــه‌واڵ كــوردى
يه‌كه‌م گه‌شت ناوده‌وڵه‌تى له‌ ته‌ياره‌خانه‌يگ له‌ هه‌رێم كوردستانه‌و ديارى كريا

يه‌كه‌م گه‌شت ناوده‌وڵه‌تى له‌ ته‌ياره‌خانه‌يگ له‌ هه‌رێم كوردستانه‌و ديارى كريا


شه‌فه‌ق نيوز/ سه‌رۆك لق سلێمانى ئه‌را كۆمه‌ڵه‌ى حه‌ج و عومره‌ له‌ هه‌رێم كوردستان، ئاشكراى ئه‌وه‌ كرد ك دسوو چوارشه‌ممه‌ له‌ سه‌عات 10ى شه‌وه‌كى يه‌كه‌م گه‌شت ئاسمانى له‌ ته‌ياره‌خانه‌يل هه‌رێمه‌و ئه‌را سعوديه‌ راسه‌وخۆ له‌ سلێمانيه‌و ده‌س وه‌پى ئه‌كا.

 

له‌ى باوه‌ته‌و، شێخ قادر قه‌ره‌داغى له‌ لێدوانيگ روژنامه‌گه‌رى ئه‌وه‌ ده‌رخش ك له‌لايه‌ن وه‌رپرسه‌يل ته‌ياره‌خانه‌ێ سلێمانيه‌و ئاگادار كريانه‌ ك رووژ 7 ئادار يه‌كه‌م گه‌شت عومره‌ له‌ ته‌ياره‌خانه‌ى ناوبرياگه‌و ئه‌را شار جده‌ى سعودى ده‌س وه‌پى ئه‌كا.

 

جى باسه‌، قه‌ره‌داغى هه‌ميش وت: داواى ئه‌وه‌يش كرياگه‌ 200 عومره‌كه‌ر گه‌شت بكه‌ن، وه‌لێ ته‌ياره‌گه‌ ته‌نيا 158 كه‌س هه‌ڵئه‌گرێد و باس له‌وه‌يش كرد ك گه‌شت دويه‌م له‌ 9 ئى مانگه‌ ده‌س وه‌پى ئه‌كا.