هــــه‌واڵ عــیراق
مسر 2 مليۆن به‌رميل نه‌فت عراقى وه‌رئه‌گرێد

مسر 2 مليۆن به‌رميل نه‌فت عراقى وه‌رئه‌گرێد


شه‌فه‌ق نيوز/ ئه‌ندازيار تارق ئه‌لمولا وه‌زير پترۆل و سامانه‌يل كانزايى، باس له‌وه‌ كرد ك مسر له‌ 12ى ئى مانگه‌ يه‌كه‌م وه‌جبه‌ى نه‌فت خام عراقى وه‌ بڕ 2 مليۆن به‌رميل وه‌رئه‌گرێد.

 

له‌ى باوه‌ته‌و، ليژنه‌ى گشتى مسرى ريككه‌فتنيگ وه‌ل لايه‌ن عراقى ئمزا كرد وه‌رجه‌ دو هه‌فته‌ ئه‌را وه‌رگرتن 12 مليۆن به‌رميل له‌ نه‌فت سووك خام به‌سره‌، ك هه‌ر دو مانگ جاريگ 2 مليۆن به‌رميل وه‌ربگرێد.

 

جى باسه‌، ئه‌لمولا له‌ لێدوانيگ ئه‌را ئه‌ليه‌وم ئه‌لسابع ك(شه‌فه‌ق نيوز)ئاگادارى بوى، وت: ئى ريككه‌فتنه‌ سه‌ره‌تايگ تازه‌س ئه‌را هاوكارى وه‌ل لايه‌ن عراقى له‌ بواره‌يل فريه‌يگ له‌ ماوه‌يل ئاينده‌، وه‌تايبه‌ت كار كومپانيايه‌يل پترۆل مسرى.