هــــه‌واڵ عــیراق
وزاره‌ت كووچ لق تازه‌يگ له‌ موسڵ واز كرد

وزاره‌ت كووچ لق تازه‌يگ له‌ موسڵ واز كرد


شه‌فه‌ق نيوز/ وزاره‌ت كووچ و كووچبه‌ره‌يل عراقى ئاشكراى دوباره‌ وازكردن لقه‌يل تازه‌ى كرد له‌پاريزگاى نه‌ينه‌وا و يه‌يش ده‌رخست ك لقه‌ كويه‌نه‌گه‌ى له‌لايه‌ن ريكخرياگ ترۆريستى داعش دزرياگه‌.

 

موهه‌نه‌د ساڵح وه‌ڕيه‌وبه‌ر به‌ش پاريزگايه‌يل باكوور له‌ وزاره‌ته‌گه‌ له‌ به‌ياننامه‌يگ ك(شه‌فه‌ق نيوز)ئاگادارى بوى، وت: وزاره‌ت كووچ لق تازه‌يگ له‌ پاريزگاى نه‌ينه‌وا له‌ ديم خوه‌رئاواى شار موسڵ واز كردگه‌.

 

جى باسه‌، ساڵح هه‌ميش وت: وازكردن ئى لقه‌ دوياى ئاماده‌كارييگ ئه‌نجام گرتگه‌ ئه‌را ئاسانكردن پيشوازى له‌ خيزانه‌يل كووچبه‌ر و ئه‌وانه‌گ هاتنه‌سه‌و ئه‌را ناوچه‌يل ئازادكرياگيان و ته‌مامكردن معامله‌و پيشكه‌شكردن ده‌سميه‌ت وه‌پيان.