هــــه‌واڵ كــوردى
كورده‌يل فه‌يلى داواێ مقه‌يه‌تى ناوده‌وڵه‌تى ئه‌كه‌ن له‌ هه‌ڕه‌شه‌يل ئه‌گه‌ركرياێ

كورده‌يل فه‌يلى داواێ مقه‌يه‌تى ناوده‌وڵه‌تى ئه‌كه‌ن له‌ هه‌ڕه‌شه‌يل ئه‌گه‌ركرياێ


شه‌فه‌ق نيوز/ شاند" ليژنه‌ێ ريكخستنكار باڵاى كورده‌يل فه‌يلى" چه‌وێ كه‌فته‌ جۆرجى بوستن جيگر نوێنه‌ر تايبه‌ت ئه‌ميندار گشتى نه‌ته‌وه‌يل يه‌كگرتگ وه‌رپرس كاروبار سياسى يونامى له‌ عراق.

 

له‌ى باوه‌ته‌و، سه‌ڵاح شمشير قسه‌كه‌ر ره‌ساننكار ليژنه‌گه‌ له‌ باسيگ ئه‌را(شه‌فه‌ق نيوز)وت: ئه‌ندامه‌يل ليژنه‌گه‌ له‌و ديداره‌ باس له‌ ئامانج له‌و داواكاريه‌ كردنه‌ له‌وه‌ر دو هووكار بنه‌ڕه‌تى، يه‌كه‌ميان چه‌وديرێ و مه‌زه‌نه‌ێ ئاكامه‌يل وه‌رين ناونى ليژنه‌گه‌و يونامى له‌ باره‌ێ زيايكردن مه‌قعه‌ده‌يل كۆتا ئه‌را هه‌ڵوژاردنه‌يل په‌رله‌مانى و دويه‌ميش داواێ مافه‌يل كورد فه‌يلى له‌بان بڕيار دادگاێ باڵا ك په‌رله‌مان و سه‌رۆكايه‌تى وه‌زيره‌يل عراقى له‌ 2010 په‌سه‌نى كردن.

 

جى باسه‌ شمشير هه‌ميش وت: له‌و ديداره‌ باس له‌و هه‌ڕه‌شه‌يل دوياخريشه‌ كرياگه‌ ك بڕيگ چه‌ته‌و چه‌كداره‌يل ده‌رچگ له‌ ياسا دژ كورده‌يل فه‌يلى كردنه‌ێ له‌ ئاكام ئه‌گه‌ره‌يل ئه‌نجامداين راپرسێ له‌ هه‌رێم كوردستان و هه‌ر وه‌و خاتريشه‌ داوايش له‌ نوێنه‌رايه‌تى نه‌ته‌وه‌يل يه‌كگرتگ له‌ به‌غدا كريا رى وشوون خواست ئه‌را مقه‌يه‌تيكردن ژيان كورده‌يل فه‌يلى له‌ به‌غداو گشت ناوچه‌يل تر عراق له‌ هه‌ڕه‌شه‌يل بگرێده‌ وه‌ر.