هــــه‌واڵ عــیراق
مالكى قسه‌ وه‌ هيزه‌يل ئه‌منى كرد رێ وه‌ چه‌ته‌يل دانه‌ ئه‌را ويرانكارى

مالكى قسه‌ وه‌ هيزه‌يل ئه‌منى كرد رێ وه‌ چه‌ته‌يل دانه‌ ئه‌را ويرانكارى


شه‌فه‌ق نيوز/ نورى مالكى جيگر سه‌رۆك كۆمار، وه‌ قسه‌ په‌لامار هيزه‌يل دا له‌ پاريزگاى به‌سره‌و ره‌خنه‌ له‌ ئه‌ركه‌يليان گرت له‌وه‌خت خوه‌ينيشانداينه‌يل ك له‌ى دوياخره‌ شار به‌سره‌ گرته‌و.

 

مالكى له‌ توێته‌ر ك شه‌فه‌ق نيوز ئاگادارى بوى، وت: جموجويل ده‌زگايه‌يل ئه‌منى فريه‌ سه‌رد و شيوياگ بويه‌و رێ وه‌ چه‌ته‌يل داگه‌ باره‌گاو ده‌زگايه‌يل بسزنن و ويرانكارى ئه‌نجام بيه‌ن و ئازادى ته‌واويگ وه‌ربگرن.

 

جى باسه‌، مالكى هه‌ميش وت: هه‌ناى ك هاووڵاتيه‌يل به‌سره‌ جاڕس بوين له‌ مقه‌يه‌تيكردن ده‌زگايه‌يل ئه‌منى، دى پشت وه‌ خوه‌يان به‌سان و تويه‌نستن جواو چه‌ته‌يل و ميليشيايه‌يل سه‌ر وه‌ حزبه‌يل باخيبوێ بيه‌نه‌وه‌و تويه‌نستن مقه‌يه‌تى له‌ باقى دامه‌زرياگه‌يل و ده‌زگايه‌يل بكه‌ن.