هــــه‌واڵ كــوردى
ئه‌ڵمانيا وه‌ بڕياريگ تايبه‌ت وه‌ كورد تويڕه‌ێ توركيا كرد

ئه‌ڵمانيا وه‌ بڕياريگ تايبه‌ت وه‌ كورد تويڕه‌ێ توركيا كرد


شه‌فه‌ق نيوز/ رووژنامه‌ى "تاغستسايتونغ" ئه‌ڵمانى ئاشكراى ئه‌وه‌ كرد ك ئه‌ندرياس غايزل وه‌زير ناوخوه‌يى ولايه‌ت به‌رلين نياز دريژه‌وكردن قه‌يه‌غه‌ێ دژ وه‌ به‌رزه‌وكردن ئاڵاێ يه‌كه‌يل پاسه‌وان ملله‌ت كورد سورى نه‌يرێد.

 

رووژنامه‌گه‌ وت: وه‌زير له‌ ئاينده‌ ناخوازێد بيجگه‌ ئه‌و نيشانه‌يله‌ ك راسه‌وخۆ په‌يوه‌ندى وه‌ كيشه‌يل تاوانه‌و ديرن قه‌يه‌غه‌ێ چشته‌يل تر بكا، يه‌يش له‌وه‌ختيگ ك پۆليس ئه‌ڵمانى بڕيگ نيشانه‌و درشم يه‌كه‌يل كورد زه‌فت كرد و يه‌يش له‌يوا كرد يه‌كيگ له‌ خوه‌ينيشانده‌ره‌يل شكايه‌تيگ ئه‌را دادگاى تاوانه‌يل به‌رزه‌و بكا.

 

جى باسه‌، ئاماژه‌ وه‌يه‌يش ئه‌كريه‌ێد ك يه‌كه‌يل پاسه‌وان ملله‌ت كورد وه‌ فه‌رمى له‌ توركيا قه‌يه‌غه‌ن ك له‌لايه‌ن ئه‌و وڵاته‌و وه‌ باڵ پارت كارگه‌ره‌يل كوردستان شماريه‌ێد و له‌ هه‌مان وه‌خت كورديش تومه‌تبار حكومه‌ت ئه‌ڵمانياى ناوه‌ندى كرد وه‌ هه‌وڵ ئه‌را مجامله‌ى توركيا له‌ڕێ نواگيرى له‌ به‌رزه‌وكردن دروشمه‌يل.