هونه‌ر
سه‌لما حايك داوايگ دۆناڵد ترامپ ره‌ته‌و كردگه‌

سه‌لما حايك داوايگ دۆناڵد ترامپ ره‌ته‌و كردگه‌


شه‌فه‌ق نيوز/ خانمه‌ هونه‌رمه‌ند ئه‌مريكى سه‌لما حايك، ئاشكراى ئه‌وه‌ كرد ك وه‌رجه‌ چه‌ن ساڵيگ دۆناڵد ترامپ داوا له‌لى كردگه‌ وه‌ليا بچووده‌ ده‌يشت ئه‌را گه‌ردين و سه‌يران، وه‌لێ سه‌لما داواكارى ترامپ ره‌ته‌و كردگه‌.

 

حايك له‌ به‌رنامه‌يگ ئاشكراى كرد و وت: هه‌ناێ ك وه‌ل كوڕه‌ هاوڕيه‌گه‌م له‌ وڵاته‌يل يه‌كگرتگ ئه‌مريكى ئاماده‌ێ ئاهه‌نگيگ بويم‌، وه‌ ريككه‌فت چه‌وم كه‌فته‌سه‌ ترامپ ك له‌ پشتمه‌و دانيشتوێد و له‌و وه‌خته‌ منيش ئحساس وه‌ سه‌ردێ كردم و ئاگادار بويم يه‌كيگ له‌ پشته‌و ده‌س خسته‌بان شانم و دڵنيا بويم ك ده‌س سه‌رۆك ترامپ بوى.

 

حايك باس له‌وه‌يش كرد هه‌ر له‌و ئاهه‌نگه‌ قسه‌و باس وه‌ل ترامپ كردگه‌و ئه‌ويش داواێ شماره‌ ته‌له‌فۆنه‌گه‌ێ سه‌لما كردگه‌ ئه‌را ئه‌وه‌گ په‌ويه‌ندى وه‌پيه‌و بكاو گووش وه‌ ئه‌وه‌ نه‌ياگه‌ سه‌لما وه‌ل كوڕه‌ هاوريه‌گه‌ێ بويه‌و هه‌ر وه‌و خاتريشه‌ داوا له‌لى كردگه‌ وه‌يه‌كه‌و بچنه‌ ده‌يشت و بگه‌ردن، وه‌لێ داواكاريه‌گه‌ێ ره‌ته‌و كردگه‌.